http://www.asavali.ge

mail@asavali.ge

მისამართი:

ჟიული შარტავას ქ. 18ა, თბილისი 0160

ტელეფონი:

0322 15 25 25

ბეჭდური მედია გაზეთი "ასავალ-დასავალი"

გაზეთი „ასავალ-დასავალი“ 1992 წლის 3 მარტს დაარსდა და ყოველ ორშაბათს გამოდის.  გამოცემის 100%-იანი წილის მფლობელი და რედაქტორი ლაშა ნადარეიშვილია.

საერთაშორისო გამჭვირვალობა საქართველოს ანგარიშის თანახმად, ნადარეიშვილი რამდენიმე სხვა კომპანიაშიც ფლობს წილს - ყველა მთგანი „ასავალ-დასავალის“ გამოქვეყნებასთან არის დაკავშირებული. ნადარეიშვილი ასევე ფლობს შპს „საქართველოს დეპეშათა სააგენტოს“ და საქართველოს პრესის ასოციაციის გამგეობის წევრია.

გაზეთი სიძულვილის ენით გამოირჩევა სხვადასხვა ეთნიკური, რელიგიური და ლგბტ ჯგუ­ფების, ასევე განსხვავებული მსოფლმხედველობისა და პოლიტიკური ჯგუფების, კერძოდ ერთიანი ნაციონალური მოძრაობის მიმართ. ღიად დეკლარირებული ქსენოფობიური და ჰომოფობიური შინაარსის გარდა, გამოცემა ანტიდასავლურ განწყობებსაც აღვივებს. გაზე­თის პლატფორმა უფრო ეთნო-ნაციონალისტურია, თუმცა როგორც მედიის განვითარების ფონდის კვლევა ცხადყოფს, შინაარსი ღიად პრორუსული მედიების ნარატივის იდენტურია.

2016 წელს „ასავალ-დასავალი“ ყველაზე ჰომოფობიური გამოცემა იყო, სადაც ჟურნალის­ტების 70 ჰომოფობიური, ხოლო რესპონდენტების 90 კომენტარი დაიბეჭდა, საერთო ჯამში კი 101 სიძულვილის ენის შემცველი სარედაქციო კომენტარი.