2024 წლის 19 ნოემბერს მელიქიშვილის გამზირზე საპოლიციო ძალებმა აქციის ძალის გამოყენებით დაშლის დროს „მთავარი არხის“ გადამღებ ჯგუფზე ფიზიკურად იძალადეს და პროფესიულ საქმიანობაში ხელი შეუშალეს. 

ადამიანის უფლებათა ცენტრის (HRC)-ის ცნობით, მათ ოპერატორ სერგი ბარამიძის დაკავებისას, რომელიც აქციას აშუქებდა, ძალა გამოიყენეს და კომპანიის კუთვნილი კამერა დააზიანეს. ორგანიზაციის ინფორმაციითვე, ამავე არხის ჟურნალისტი ნინო კეკელია ოპერატორს იძულებით განარიდეს და სამართალდამცავების ალყაში მოაქციეს.

ორგანიზაცია, ასევე, აღნიშნავს, რომ ნინო კეკელია იყო იდენტიფიცირებადი, როგორც ჟურნალისტი, რადგან მას ხელში “მთავარი არხის” მიკროფონი ეჭირა, ხოლო მის ოპერატორს - ტელევიზიის კამერა, თუმცა ამის მიუხედავად, მათ სამართალდამცველებმა პროფესიულ საქმიანობაში ხელი მაინც შეუშალეს და მუშაობის გაგრძელების შესაძლებლობა არ მისცეს. 

პრემიერ-მინისტრმა ირაკლი კობახიძემ 2024 წლის 28 ნოემბერს განაცხადა, რომ საქართველოს ხელისუფლება 2028 წლის ბოლომდე ევროკავშირში გაწევრიანებაზე მოლაპარაკების დაწყებაზე უარს ამბობს, რასაც იმავე საღამოს საპროტესტო აქციების ახალი ტალღა მოჰყვა. თბილისის და საქართველოს სხვა ქალაქებში პრო-ევროპული პროტესტის ტალღა დაიწყო, რომელზეც ინტეგრაციის პროცესის შენარჩუნებასთან ერთად, ხელახალი არჩევნების დანიშვნის მოთხოვნაც ისმოდა. 29 ნოემბერს, ღამის ორი საათიდან, შინაგან საქმეთა სამინისტრომ აქციის ძალის გამოყენებით დაშლა და მონაწილეთა დაკავება დაიწყო, რა დროსაც აქციის არაერთმა მონაწილემ, მათ შორის ჟურნალისტმა, ფიზიკური დაზიანებები მიიღო. საპოლიციო ძალების მხრიდან აქციებზე მსგავსი მეთოდების გამოყენება მომდევნო კვირებშიც გაგრძელდა. “მედიის ადვოკატირების კოალიციის” თანახმად, პროევროპული აქციების გაშუქებისას მედიას პროფესიულ საქმიანობაში ხელი 90-ზე მეტ შემთხვევაში შეეშალა. შემთხვევების უმრავლესობა 29 ნოემბრიდან 8 დეკემბრამდე დაფიქსირდა. 

გაზიარება:

2 დეკემბერს სპეციალურ საგამოძიებო სამსახურში ჟურნალისტი, ნინო კეკელია გამოიკითხა.

გაზიარება:

„მთავარი არხის“ ჟურნალისტის სამართლებრივ ინტერესებს ადამიანის უფლებათა ცენტრი იცავს. ცენტრის იურისტმა, 30 დეკემბერს მიმართა საქართველოს გენერალური პროკურატურის სპეციალურ საგამოძიებო სამსახურს,  ჟურნალისტისთვის  დაზარალებულის  სტატუსის მინიჭების მოთხოვნით.  

19 დეკემბერს მედიის წარმომადგენლებზე, მათ შორის, “მთავარი არხის” ოპერატორზე, სერგი ბარამიძეზე ძალადობას გამოეხმაურა “მედიის ადვოკატირების კოალიცია” და პასუხისმგებლობა “ქართულ ოცნებას” დააკისრა. 

გაზიარება:

წყარო: ადამიანის უფლებათა ცენტრი (HRC)

ადამიანის უფლებათა ცენტრის (HRC) ინფორმაციით, 2024 წლის 25 ივლისს თბილისში, დიდუბის ავტოსადგურ “ოკრიბას” ტერიტორიაზე “ტვ მონიტორინგის” ოპერატორს ბექა პირველსა და ამავე ტელევიზიის ჟურნალისტს შოთიკო სადაღაშვილს, სავარაუდოდ, მიკროავტობუსის მძღოლები ფიზიკურად გაუსწორდნენ. მედიის წარმომადგენლებზე ანგარიშსწორება მოჰყვა ორი დღით ადრე ტელევიზიის მიერ მომზადებულ სიუჟეტს, რომელიც გორი-თბილისის მარშრუტზე მოძრავ გაუმართავ ტრანსპორტს შეეხებოდა. 

ორგანიზაციის ცნობით, თავისა და სხეულის სხვადასხვა არეში მიყენებული დაზიანებების გამო, ოპერატორი ბექა პირველი სამედიცინო დაწესებულებაში გადაიყვანეს. დაშავდა ჟურნალისტი შოთიკო სადაღაშვილიც. 

HRC-ის განცხადებით, ეს არ იყო პირველი შემთხვევა, როცა აღნიშნული სიუჟეტის გამო, “ტვ მონიტორინგის” ოპერატორსა და ჟურნალისტს თავს დაესხნენ. მათ მოქალაქემ სიტყვიერი და ფიზიკური შეურაცხყოფა ჯერ კიდევ გორის ავტოსადგურში, მასალის მომზადების დროს მიაყენა.  

გაზიარება:

სპეციალურმა საგამოძიებო სამსახურმა 2024 წლის 19 აგვისტოს ადამიანის  უფლებათა ცენტრს აცნობა, რომ დიდუბისა და გორის ავტოსადგურებში მედიის წარმომადგენლებზე ძალადობაზე გამოძიება დაიწყო.  

უწყების მიერ 2024 წლის 27 ნოემბერს გავრცელებული განცხადებით, საქართველოს გენერალურმა პროკურატურამ “ტვ მონიტორინგის” ჟურნალისტისა და ოპერატორის მიმართ განხორციელებული დევნის და ძალადობის ფაქტზე ბრალი წარუდგინა 2 პირს.  ე.გ.-ს და თ.ლ.-ს ბრალდება საქართველოს სისხლის სამართლის კოდექსის 156-ე მუხლის მე-2 ნაწილით წარედგინა, რაც გულისხმობს ადამიანის დევნას სიტყვის, აზრის, სინდისის, აღმსარებლობის, რწმენის ან მრწამსის გამო, ანდა მის პოლიტიკურ, საზოგადოებრივ, პროფესიულ, რელიგიურ ან მეცნიერულ მოღვაწეობასთან დაკავშირებით, ჩადენილს ძალადობით ან ძალადობის მუქარით. 

დანაშაული 3 წლამდე თავისუფლების აღკვეთას ითვალისწინებს.

გაზიარება:

2024 წლის 29 ივლისს ადამიანის უფლებათა ცენტრმა (HRC) გამოძიების მიმდინარეობის შესახებ ინფორმაციის მისაღებად მიმართა სპეციალურ საგამოძიებო სამსახურს. 

2024 წლის 22 ოქტომბერს სპეციალურ საგამოძიებო სამსახურში ცენტრის იურისტი გაეცნო სისხლის სამართლის საქმის მასალებს. მოპოვებული მტკიცებულებებით დადგენილი და იდენტიფიცირებულია ჟურნალისტებზე თავდამსხმელი ყველა პირი. 

2024 წლის 4 ნოემბერს ცენტრმა მიმართა საქართველოს გენერალურ პროკურატურას  და  მოითხოვა შოთიკო სადაღაშვილისა და ბექა პირველის დაზარალებულად ცნობა.

გაზიარება:

წყარო: ადამიანის უფლებათა ცენტრი (HRC)

2024 წლის 29 ნოემბერს, გამთენიისას, „რადიო თავისუფლების” ჟურნალისტს, დავით ცაგარელს აქციის გაშუქებისას  სპეციალური დანიშნულების რაზმის წევრმა პირდაპირ ეთერში დაარტყა. 

აღსანიშნავი ფაქტია, რომ დავით ცაგარელს “რადიო  თავისუფლების” ქურთუკი ეცვა, რომელსაც უკან დატანილი ჰქონდა წარწერა „პრესა“, წინ კი ტელევიზიის ლოგო. ამავდროულად, შესამჩნევი იყო, რომ ის მიმდებარე ტერიტორიაზე არსებულ მდგომარეობას პირდაპირ ეთერში აღწერდა. ადამიანის უფლებათა ცენტრის განცხადებით, ჟურნალისტი სწორედ პროფესიული საქმიანობის გამო გახდა თავდასხმის ობიექტი. 

პრემიერ-მინისტრმა ირაკლი კობახიძემ 2024 წლის 28 ნოემბერს განაცხადა, რომ საქართველოს ხელისუფლება 2028 წლის ბოლომდე ევროკავშირში გაწევრიანებაზე მოლაპარაკების დაწყებაზე უარს ამბობს, რასაც იმავე საღამოს საპროტესტო აქციების ახალი ტალღა მოჰყვა. თბილისის და საქართველოს სხვა ქალაქებში პრო-ევროპული პროტესტის ტალღა დაიწყო, რომელზეც ინტეგრაციის პროცესის შენარჩუნებასთან ერთად, ხელახალი არჩევნების დანიშვნის მოთხოვნაც ისმოდა. 29 ნოემბერს, ღამის ორი საათიდან, შინაგან საქმეთა სამინისტრომ აქციის ძალის გამოყენებით დაშლა და მონაწილეთა დაკავება დაიწყო, რა დროსაც აქციის არაერთმა მონაწილემ, მათ შორის ჟურნალისტმა, ფიზიკური დაზიანებები მიიღო. საპოლიციო ძალების მხრიდან აქციებზე მსგავსი მეთოდების გამოყენება მომდევნო კვირებშიც გაგრძელდა. “მედიის ადვოკატირების კოალიციის” თანახმად, პროევროპული აქციების გაშუქებისას მედიას პროფესიულ საქმიანობაში ხელი 90-ზე მეტ შემთხვევაში შეეშალა. შემთხვევების უმრავლესობა 29 ნოემბრიდან 8 დეკემბრამდე დაფიქსირდა. 

გაზიარება:

HRC-ის ინფორმაციით, სპეციალურმა საგამოძიებო სამსახურმა დავით ცაგარელი დაზარალებულად 13 დეკემბერს ცნო სისხლის სამართლის კოდექსის 333-ე მუხლის მე-3 პუნქტის „ბ“ ქვეპუნქტითა და 154-ე მუხლის მე-2 პუნქტით, რაც სამსახურებრივი უფლებამოსილების ძალადობით გადამეტებასა და ჟურნალისტისთვის პროფესიულ საქმიანობაში უკანონოდ ხელის შეშლას გულისხმობს.

გაზიარება:

ჟურნალისტი დავით ცაგარელის ინტერესებს ადამიანის უფლებათა ცენტრი (HRC) იცავს. 30 ნოემბერს, ადამიანის უფლებათა ცენტრის იურისტი საქართველოს სპეციალურ საგამოძიებო სამსახურში ჟურნალისტის გამოკითხვას დაესწრო. 3 დეკემბერს იურისტმა განცხადებით საქართველოს სპეციალურ საგამოძიებო სამსახურს მიმართა და დავით ცაგარელის დაზარალებულად ცნობის შესახებ დადგენილების გამოცემა მოითხოვა. მედიაომბუდსმენმა 29 ნოემბერს ჟურნალისტებზე ძალადობასთან დაკავშირებით განცხადება გაავრცელა და სპეციალურ საგამოძიებო სამსახურს მოუწოდა, დაუყოვნებლივ დაიწყონ გამოძიება; საქმეებს მიენიჭოს ჟურნალისტურ საქმიანობაში ხელშეშლის და დევნის კვალიფიკაცია, აწარმოონ ეფექტიანი დროული გამოძიება და ჟურნალისტების საქმეები არ გააერთიანონ სხვა დაზარალებულების საქმეებთან. 

მედიის ადვოკატირების კოალიციის განცხადებით, ჟურნალისტებზე განხორციელებული ძალადობა და მათი პროფესიული საქმიანობის შეზღუდვა ზიანს აყენებს არა მხოლოდ მედიას, არამედ საზოგადოების თითოეულ წევრს, რომელსაც უფლება აქვს იყოს ინფორმირებული მიმდინარე მოვლენების შესახებ. 

კოალიციამ სამართალდამცავებს მოუწოდა, არ შეასრულონ უკანონო ბრძანებები, დაიცვან საქართველოს კონსტიტუცია და კანონმდებლობა. 

მედიის უფლებადამცველი საერთაშორისო ორგანიზაცია „რეპორტიორები საზღვრებს გარეშე“ (RSF) გმობს აქციებზე ჟურნალისტების მიმართ პოლიციის სისტემატურ, ორგანიზებულ ძალადობას და მოითხოვს, რომ ევროკავშირმა იმოქმედოს საქართველოს სამართალდამცავი ორგანოების დაუსჯელობის წინააღმდეგ.

გაზიარება:

წყარო: ადამიანის უფლებათა ცენტრი (HRC)

2024 წლის 29 ნოემბერს, გამთენიისას, აქციაზე “ფორმულას” ჟურნალისტს, გურამ როგავას პროფესიული მოვალეობის შესრულებისას სპეციალური დანიშნულების რაზმის წევრი თავს დაესხა. როგორც გავრცელებულ კადრებში ჩანს, სპეცრაზმელი დემონსტრაციის გაშუქებისას ჟურნალისტს უახლოვდება და მუშტს თავის არეში ურტყამს, თავდასხმის შემდეგ როგავა ძირს ეცემა, სპეცრაზმელი კი ადგილიდან გარბის.  

ძალადობის გამო, ჟურნალისტს მოტეხილი აქვს სახის ძვლები და კისრის მალა. 

გურამ როგავას საპოლიციო ძალებმა პროფესიული საქმიანობის შესრულებაში ხელი ფიზიკურ ანგარიშსწორებამდეც შეუშალეს. მას პირდაპირ ეთერში ჩართვის დროს პოლიციელებმა ტერიტორია დაატოვებინეს და  ათობით მეტრის მოშორებით ძალის გამოყენებით გადაიყვანეს. 

გურამ როგავამ 30 ნოემბერს ინტერვიუში განაცხადა, რომ “ქართული ოცნების" მხრიდან მუდმივად იღებდა მუქარებს, თუმცა არ ეგონა, თუ აღნიშნულს ამ ფორმით შეასრულებდნენ.  

პრემიერ-მინისტრმა ირაკლი კობახიძემ 2024 წლის 28 ნოემბერს განაცხადა, რომ საქართველოს ხელისუფლება 2028 წლის ბოლომდე ევროკავშირში გაწევრიანებაზე მოლაპარაკების დაწყებაზე უარს ამბობს, რასაც იმავე საღამოს საპროტესტო აქციების ახალი ტალღა მოჰყვა. თბილისის და საქართველოს სხვა ქალაქებში პრო-ევროპული პროტესტის ტალღა დაიწყო, რომელზეც ინტეგრაციის პროცესის შენარჩუნებასთან ერთად, ხელახალი არჩევნების დანიშვნის მოთხოვნაც ისმოდა. 29 ნოემბერს, ღამის ორი საათიდან, შინაგან საქმეთა სამინისტრომ აქციის ძალის გამოყენებით დაშლა და მონაწილეთა დაკავება დაიწყო, რა დროსაც აქციის არაერთმა მონაწილემ, მათ შორის ჟურნალისტმა, ფიზიკური დაზიანებები მიიღო. საპოლიციო ძალების მხრიდან აქციებზე მსგავსი მეთოდების გამოყენება მომდევნო კვირებშიც გაგრძელდა. “მედიის ადვოკატირების კოალიციის” თანახმად, პროევროპული აქციების გაშუქებისას მედიას პროფესიულ საქმიანობაში ხელი 90-ზე მეტ შემთხვევაში შეეშალა. შემთხვევების უმრავლესობა 29 ნოემბრიდან 8 დეკემბრამდე დაფიქსირდა. 

გაზიარება:

HRC-ის ინფორმაციით, სპეციალურმა საგამოძიებო სამსახურმა გურამ როგავა დაზარალებულად 13 დეკემბერს ცნო სისხლის სამართლის კოდექსის 333-ე მუხლის მე-3 პუნქტის „ბ“ ქვეპუნქტითა და 154-ე მუხლის მე-2 პუნქტით, რაც სამსახურებრივი უფლებამოსილების ძალადობით გადამეტებასა და ჟურნალისტისთვის პროფესიულ საქმიანობაში უკანონოდ ხელის შეშლას გულისხმობს.

გაზიარება:

ჟურნალისტ გურამ როგავას ინტერესებს ადამიანის უფლებათა ცენტრი (HRC) იცავს. ადამიანის უფლებათა ცენტრის ადვოკატმა ინგოროყვას კლინიკაში ჟურნალისტი 29 ნოემბერს მოინახულა. 3 დეკემბერს ცენტრმა გურამ როგავას დაზარალებულად ცნობა მოითხოვა. 

მედიაომბუდსმენმა 29 ნოემბერს ჟურნალისტებზე ძალადობასთან დაკავშირებით განცხადება გაავრცელა და სპეციალურ საგამოძიებო სამსახურს მოუწოდა, დაუყოვნებლივ დაიწყონ გამოძიება; საქმეებს მიენიჭოს ჟურნალისტურ საქმიანობაში ხელშეშლის და დევნის კვალიფიკაცია, აწარმოონ ეფექტიანი დროული გამოძიება და ჟურნალისტების საქმეები არ გააერთიანონ სხვა დაზარალებულების საქმეებთან. 

აღნიშნულზე განცხადება მედიის ადვოკატირების კოალიციამაც გაავრცელა, სადაც ნათქვამი იყო, რომ ჟურნალისტებზე განხორციელებული ძალადობა და მათი პროფესიული საქმიანობის შეზღუდვა ზიანს აყენებს არა მხოლოდ მედიას, არამედ საზოგადოების თითოეულ წევრს, რომელსაც უფლება აქვს იყოს ინფორმირებული მიმდინარე მოვლენების შესახებ. 

კოალიციამ სამართალდამცავებს მოუწოდა, არ შეასრულონ უკანონო ბრძანებები, დაიცვან საქართველოს კონსტიტუცია და კანონმდებლობა. 

მედიის უფლებადამცველი საერთაშორისო ორგანიზაცია „რეპორტიორები საზღვრებს გარეშე“ (RSF) გმობს აქციებზე ჟურნალისტების მიმართ პოლიციის სისტემატურ, ორგანიზებულ ძალადობას და მოითხოვს, რომ ევროკავშირმა იმოქმედოს საქართველოს სამართალდამცავი ორგანოების დაუსჯელობის წინააღმდეგ.

გაზიარება:

წყარო: ადამიანის უფლებათა ცენტრი (HRC)

ადამიანის უფლებათა ცენტრის (HRC) ინფორმაციით, საპარლამენტო არჩევნების გაშუქების პროცესში, 26 ოქტომბერს თბილისში “მთავარი არხის” გადამღები ჯგუფისთვის ჟურნალისტურ საქმიანობაში ხელის შეშლის სამი შემთხვევა დაფიქსირდა. 

ორგანიზაციის ცნობით, პირველი შემთხვევა გუჯარის ქუჩაზე მოხდა, სადაც სავარაუდოდ, პარტია „ქართული ოცნების“ წარმომადგენლები მოქალაქეებს სიტყვიერ შეურაცხყოფას აყენებდნენ, ემუქრებოდნენ და არიგებდნენ, რომ მხოლოდ „ქართული ოცნებისთვის“ უნდა მიეცათ ხმა.  მათივე ცნობით, ადგილზე ვითარების გასაშუქებლად “მთავარი არხის” ჟურნალისტისა და ოპერატორის მისვლამ აღნიშნულ პირებში აგრესია გამოიწვია. “მთავარი არხის” ჩართვაში ისმის, თუ როგორ აგინებდა უცნობი პირი ჟურნალისტებს, ამასთანავე, ადგილზე მობილიზებული სხვა პირები ოპერატორს მიუთითებდნენ, რომ გაეწია კამერა, ჟურნალისტს კი მიკროფონზე ხელი აუკრეს. 

HRC-ის ცნობით, იყო მოწოდებები, რომ ჟურნალისტებს დაეტოვებინათ ტერიტორია და შეეწყვიტათ გადაღება. 

ადამიანის უფლებათა ცენტრის განცხადებით, მეორე შემთხვევა 99-ე სკოლის მიმდებარე ტერიტორიაზე საარჩევნო უბნებთან მოხდა, სადაც ადამიანების მობილიზება ხდებოდა. HRC-ის ცნობით, როდესაც „მთავარი არხის“ ჟურნალისტი და ოპერატორი ადგილზე მივიდნენ, იქ მყოფი პირების ნაწილი უკვე ახლოს მდებარე კერძო სახლის ტერიტორიაზე იყო შესული. ორგანიზაციის ინფორმაციით, მას შემდეგ, რაც ჟურნალისტი და ოპერატორი კერძო სახლის ჭიშკართან კითხვების დასასმელად მივიდნენ, მათი მისამართით დიდი ჭურჭლით წყალი გადმოასხეს, მოგვიანებით კი კვერცხები ისროლეს.

HRC-ის ცნობით, მესამე შემთხვევა საქართველოს ეროვნული უნივერსიტეტის მიმდებარე ტერიტორიაზე მოხდა, სადაც ქეთევან ციცქიშვილი და დავით ბადაგაძე მას შემდეგ მივიდნენ, რაც “ქართული ოცნების” წარმომადგენლის მიერ “ნაციონალური მოძრაობის” წარმომადგენლის ცემის შესახებ ინფორმაცია გავრცელდა.  ორგანიზაციის ინფორმაციით, მედიის წარმომადგენლებს ჟურნალისტურ საქმიანობაში ხელი პოლიციამ შეუშალა, კერძოდ, მათ ოპერატორი ხელით გააკავეს და სავარაუდო დამნაშავე პირებისთვის ახლო კადრების გადაღების საშუალება არ მისცეს.

გაზიარება:

ჟურნალისტის, ქეთა ციცქიშვილისა და ოპერატორის, დავით ბადაგაძის სამართლებრივ ინტერესებს ადამიანის უფლებათა ცენტრი (HRC) იცავს.  ადამიანის  ადამიანის უფლებათა ცენტრი ითხოვს, დაიწყოს საქმეზე გამოძიება,  ხოლო მედიის წარმომადგენლებს მიენიჭოთ დაზარალებულის სტატუსი. 

გაზიარება:

წყარო: ადამიანის უფლებათა ცენტრი (HRC)

“მთავარი არხის” რეგიონულმა კორესპონდენტმა და ადგილობრივი გაზეთის “გურიის მოამბის” რედაქტორმა, ვლადიმერ მენაბდემ 2024 წლის 26 მაისს, ფეისბუქის პირად გვერდზე გამოაქვეყნა პოსტი, რომელსაც კონტრ-სნაიპერული შაშხანით გადაღებული მისი ფოტო ახლდა თან. ჟურნალისტმა ფოტო ოზურგეთის ცენტრში, დამოუკიდებლობის დღისადმი მიძღვნილ ღონისძიებაზე, თავდაცვის შეიარაღებული ძალების არსენალში არსებული ცეცხლსასროლი იარაღების გამოფენაზე გადაიღო.   

სოციალურ ქსელში გამოქვეყნებულ პოსტზე  გამოძიება დაიწყო. ადამიანის უფლებათა ცენტრის ცნობით, შინაგან საქმეთა სამინისტროს კრიმინალური პოლიციის დეპარტამენტში ფაქტზე სისხლის სამართლის საქმე, ტერორისტული აქტის მზადების მუხლით დაიწყო.  ჟურნალისტი კრიმინალურმა პოლიციამ გამოკითხვაზე დაიბარა. საკუთარი მოთხოვნის საფუძველზე, 13 ივნისს მენაბდე მაგისტრმა მოსამართლემ მოწმის სახით დაკითხა.

გაზიარება:

HRC-ის განცხადებით, მოსამართლის მოთხოვნით, მხარეებმა საქმის მასალების გაუთქმელობაზე მოაწერეს ხელი. აღნიშნულ საქმეზე გამოძიება გრძელდება.

გაზიარება:

მედიის წარმომადგენლის სამართლებრივ ინტერესს ადამიანის უფლებათა ცენტრი (HRC) იცავს.

გაზიარება: