მედია საქმეები

12 ივლისი, 2016 საკადრო ცვლილებები ტელეკომპანია “იმედში”

2016 წლის 23 ივნისს ტელეკომპანია „იმედის“ საინფორმაციო სამსახურში საკადრო ცვლილებები განხორციელდა. საინფორმაციო სამსახურის ხელმძღვანელი მაია თაბაგარი ჟურნალისტმა ნანა ლეჟავამ შეცვა...

2016 წლის 23 ივნისს ტელეკომპანია „იმედის“ საინფორმაციო სამსახურში საკადრო ცვლილებები განხორციელდა. საინფორმაციო სამსახურის ხელმძღვანელი მაია თაბაგარი ჟურნალისტმა ნანა ლეჟავამ შეცვალა. თაბაგარი გენერალური დირექტორის კონსულტანტი გახდა.

საინფორმაციო სამსახურის ხელმძღვანელის შეცვლის გამო განცხადება გაავრცელეს არხის ჟურნალისტებმა. მათი თქმით,  წინასაარჩევნო პერიოდში საინფორმაციო სამსახურის ხელმძვანელის შეცვლა არხისა და მისი თანამშრომლების რეპუტაციას, სანდოობასა და სიტყვის თავისუფლების ხარისხს ეჭვქვეშ დააყენებდა.

საინფორმაციო სამსახურის ხელმძღვანელის ცვლილებას წინ უსწრებდა არხის სამეთვალყურეო საბჭოს თავმჯდომარედ ირაკლი რუხაძის დანიშვნა. თავის მხრივ, რუხაძის ამ თანამდებობაზე დანიშვნით გამოწვეული ინტერესთა კონფლიქტის გამო, თანამდებობა დატოვა მისმა დედამ, ნათელა სახოკიამ, რომელიც საზოგადოებრივი მაუწყებლის სამეურვეო საბჭოს წევრი იყო.

რუხაძის სახელი ტელეკომპანია მაესტროს  წილების შეცლის საკითხშიც ფიგურირებდა. “მაესტროს” 55%-იანი წილის მფლობელმა გია გაჩეჩილაძემ საჯაროდ განაცხადა, რომ ტელეკომპანიის ფინანსური პრობლემების მოსაგვარებლად ის პატარკაციშვილების ოჯახს დაუკავშირდა და მისი მეგობარი ირაკლი რუხაძე თანხის სესხებას დაჰპირდა. ირაკლი რუხაძე კერძო ინვესტიციებისა და კაპიტალის საერთაშორისო მართვის კომპანიის „სელფორ ჯორჯიას“ ხელმძღვანელია. ის ბადრი პატარკაციშვილის ოჯახთან დაახლოებული პირია, რომელსაც ოფიციალურ დანიშვნადმე ტელეკომპანია „იმედის“ არაფორმალურ მმართველადაც მოიხსენიებდნენ. სწორედ ირაკლი რუხაძის გადაწყვეტილებას უკავშირებს მისი გადაცემის „იმედზე“ დახურვას ტელეწამყვანი ინგა გრიგოლია.

ნანა ლეჟავა სხვადასვხა დროს ტელეკომპანია რუსთავი 2-ის ჟურნალისტი, პარტია “მოძრაობა ერთიანი საქართველოსთვის” ერთ-ერთი დამფუძნებელი, საგამოძიებო სტუდია GNS-ის დამფუძნებელი და TV3-ის საინფორმაციო გამოშვების წამყვანი იყო.

23 ივნისი, 2016 საკადრო ცვლილებები ტელეკომპანია “იმედში”

2016 წლის 23 ივნისს ტელეკომპანია „იმედის“ საინფორმაციო სამსახურში საკადრო ცვლილებები განხორციელდა. საინფორმაციო სამსახურის ხელმძღვანელი მაია თაბაგარი ჟურნალისტმა ნანა ლეჟავამ შეცვა...

2016 წლის 23 ივნისს ტელეკომპანია „იმედის“ საინფორმაციო სამსახურში საკადრო ცვლილებები განხორციელდა. საინფორმაციო სამსახურის ხელმძღვანელი მაია თაბაგარი ჟურნალისტმა ნანა ლეჟავამ შეცვალა. თაბაგარი გენერალური დირექტორის კონსულტანტი გახდა.

საინფორმაციო სამსახურის ხელმძღვანელის შეცვლის გამო განცხადება გაავრცელეს არხის ჟურნალისტებმა. მათი თქმით,  წინასაარჩევნო პერიოდში საინფორმაციო სამსახურის ხელმძვანელის შეცვლა არხისა და მისი თანამშრომლების რეპუტაციას, სანდოობასა და სიტყვის თავისუფლების ხარისხს ეჭვქვეშ დააყენებდა.

ნანა ლეჟავა სხვადასვხა დროს ტელეკომპანია რუსთავი 2-ის ჟურნალისტი, პარტია “მოძრაობა ერთიანი საქართველოსთვის” ერთ-ერთი დამფუძნებელი, საგამოძიებო სტუდია GNS-ის დამფუძნებელი და TV3-ის საინფორმაციო გამოშვების წამყვანი იყო.

საინფორმაციო სამსახურის ხელმძღვანელის შეცვლიდან რამდენიმე დღეში, 27 ივლისს არხი „ქრონიკის სტუდიის“ წამყვანამა, დიანა ტრაპაიძემ დატოვა, რომელიც სექტემბრიდან ტვ პირველის თოქ-შოუს წამყვანი გახდა. 12 აგვისტოს პოლიტიკური თოქ-შოუ “პოლიტიკის” წამყვანმა თეონა გეგელიამ განაცხადა, რომ ის გადაცემას აღარ გაუძღვებოდა და არხის ვებგვერდზე გააგრძელებდა მუშაობას.

საინფორმაციო სამსახურში ცვლილებებს წინ უსწრებდა არხის სამეთვალყურეო საბჭოს თავმჯდომარედ ირაკლი რუხაძის დანიშვნა. თავის მხრივ, რუხაძის ამ თანამდებობაზე დანიშვნით გამოწვეული ინტერესთა კონფლიქტის გამო, თანამდებობა დატოვა მისმა დედამ, ნათელა სახოკიამ, რომელიც საზოგადოებრივი მაუწყებლის სამეურვეო საბჭოს წევრი იყო.

რუხაძის სახელი ტელეკომპანია მაესტროს  წილების შეცლის საკითხშიც ფიგურირებდა. “მაესტროს” 55%-იანი წილის მფლობელმა გია გაჩეჩილაძემ საჯაროდ განაცხადა, რომ ტელეკომპანიის ფინანსური პრობლემების მოსაგვარებლად ის პატარკაციშვილების ოჯახს დაუკავშირდა და მისი მეგობარი ირაკლი რუხაძე თანხის სესხებას დაჰპირდა. ირაკლი რუხაძე კერძო ინვესტიციებისა და კაპიტალის საერთაშორისო მართვის კომპანიის „სელფორ ჯორჯიას“ ხელმძღვანელია. ის ბადრი პატარკაციშვილის ოჯახთან დაახლოებული პირია, რომელსაც ოფიციალურ დანიშვნადმე ტელეკომპანია „იმედის“ არაფორმალურ მმართველადაც მოიხსენიებდნენ. სწორედ ირაკლი რუხაძის გადაწყვეტილებას უკავშირებს მისი გადაცემის „იმედზე“ დახურვას ტელეწამყვანი ინგა გრიგოლია. მაღალრეიტინგული გადაცემები “რეაქცია” და “იმედის კვირა” იმედზე 2015 წლის 29 აგვისტოს დაიხურა. ინგა გრიგოლიას ამჟამად გადაცემა ტვ პირველზე მიჰყავს.

19 ივნისი, 2016 თავდასხმა "რუსთავი 2-ის" გადამღებ ჯგუფზე

19 ივნისს თბილისის საერთაშორისო აეროპორტში, სამაუწყებლო კომპანია რუსთავი 2-ის ჟურნალისტ ელენე ფირცხალაიშვილსა და ოპერატორ გიორგი ცანავას შეურაცხყოფა მიაყენეს. საპარლამენტო უმცირესო...

19 ივნისს თბილისის საერთაშორისო აეროპორტში, სამაუწყებლო კომპანია რუსთავი 2-ის ჟურნალისტ ელენე ფირცხალაიშვილსა და ოპერატორ გიორგი ცანავას შეურაცხყოფა მიაყენეს. საპარლამენტო უმცირესობის წევრთან ინტერვიუს დროს უცნობმა პირმა გადამღებ ჯგუფს ჯერ სიტყვიერი შეურაცხყოფა მიაყენა, შემდეგ კი რუსთავი 2-ის ოპერატორს - ფიზიკური.

მოგვიანებით საქართველოს შინაგან საქმეთა სამინისტრომ განცხადება გაავრცელა. უწყების ინფორმაციით,  უცხო პირმა რუსთავი 2-ის გადამღებ ჯგუფს შეურაცხყოფა გადაღების დასრულების შემდეგ მიაყენა და შემთხვევის ადგილს გაეცალა. შსს განმარტებით, რუსთავი 2-ის ოპერატორი უცხო პირს დაედევნა და ფიზიკური შეურაცხყოფა მიაყენა, რის შემდეგაც მათ შორის სიტყვიერი და ფიზიკური დაპირისპირება დაიწყო.

 

 

სამართალდამცველებმა ინციდენტთან დაკავშირებით რუსთავის 2-ის ოპერატორი და ინციდენტში მონაწილე მეორე პირი გამოკითხეს. შსს-ს ინფორმაციით, მათ ერთმანეთის მიმართ პრეტენზია არ გააჩნდათ. შსს-მ მოქალაქის ცემის ფაქტზე გამოძიება სისხლის სამართლის კოდექსის 125-ე მუხლით (ცემა) დაიწყო. შსს-ს ინფორმაციით, აღნიშნულ სისიხლის სამართლის საქმეში რუსთავი 2-ის გადამღები ჯგუფი დაზარალებულად არ უცვნიათ.

1 ივნისი, 2016 “ბიზნესკონტაქტის” და “საქმიანი დილის” დახურვა მაესტროზე

ტელეკომპანია „მაესტროს“ დირექტორმა, ზურაბ ნაყეურმა 2016 წლის პირველი ივნისიდან გადაცემების - „ბიზნესკონტაქტის“, „საქმიანი დილისა“ და „ანალიტიკას“ ავტორასა და მენეჯერს გიორგი ისაკაძ...

ტელეკომპანია „მაესტროს“ დირექტორმა, ზურაბ ნაყეურმა 2016 წლის პირველი ივნისიდან გადაცემების - „ბიზნესკონტაქტის“, „საქმიანი დილისა“ და „ანალიტიკას“ ავტორასა და მენეჯერს გიორგი ისაკაძეს შრომითი ხელშეკრულება გაუწყვიტა. თანამშრომლობის შეწყვეტის შესახებ მენეჯმენტის გადაწყვეტილება ისაკაძემ 30 მაიის მიიღო. ისაკაძის გათავისუფლების მიზეზად „მაესტრომ“ გადაცემების ავტორისა და მენეჯერის მენეჯმენტთან შეუთავსებელი პოზიციები დაასახელა.

ისაკაძის გათავისუფლებიდან მეორე დღეს, 2 ივნისს „მაესტრომ“ შრომითი ურთიერთობა „ბიზნესკონტაქტისა“ და „საქმიანი დილის“ 4 თანამშრომელს - თამუნა ქემერტელიძეს, თელარა გელანტიას, ელენე კვანჭილაშვილს და ბექა ბაციკაძეს შეუჩერა. ამ შემთხვევაში მიზეზად კონკურენტი არხის ტელეკომოანია „რუსთავი 2“-ის გადაცემა “არჩევანში” მონაწილობა დასახელდა.  გადაცემა “არჩევანი” რუსთავი 2-ის მიმდინარე სასამართლო დავას შეეხებოდა, რომლის სტუმრები არხის მიმართ სოლიდარობას გამოხატავდნენ.

„ბიზნესკონტაქტისა“ და „საქმიანი დილის“ 4 თანამშრომელთან თანამშრომლობის შეჩერებიდან რამდენიმე საათში არხის მენეჯმენტმა იგივე გადაწყვეტილება ამავე გადაცემების 32 თანამშრომლის მიმართ მიიღო. ამ შემთხვევაშიც, ზურაბ ნაყეურმა გადაწყვეტილება ტელევიზიის თანამშრომლების ქმედებას დაუკავშირა. მისი განცხადებით, უცნობია გუნდის წევრების პოზიცია სტუდია მაესტროსთან შრომითი უფლებების გაგრძელების შესახებ, რის გამოც მათთან თანამშრომლობა დროებით შეაჩერა.

ჟურნალისტებისა და პროდიუსერების შრომითი უფლებების დაცვას სასამართლოში საქართველოს ახალგაზრდა იურისტთა ასოციაცია, საერთაშორისო გამჭვირვალობა - საქართველო  და საქართველოს პროფესიული კავშირების გაერთიანება ახდენენ. 

2 ივნიის „მედიის განვითარების ფონდმა“ „ბიზნესკონტაქტისა“ და „საქმიანი დილის“ 4 თანამშრომელისთვის ხელშეკრულების შეჩერება გამოხატვის თავისუფლების დაუსაბუთებელ შეზღუდვად შეაფასა.

3 ივნისს კი, ორგანიზაციებმა საერთაშორისო გამჭვირვალობა - საქართველომ, საზოგადოება და ბანკებმა, საერთაშორისო სავაჭრო პალატამ, საქართველოს ფერმერთა ასოციაციამ, საქართველოს მეცხვარეთა ასოციაციამ, მცირე და საშუალო ბიზნესის ასოციაციამ და ეკონომიკური პოლიტიკის კვლევითმა ცენტრმა  ერთობლივი განცხადება გაავრცელეს, სადაც აღნიშნეს, რომ არხის ხელმძღვანელობის გადაწყვეტილებები თანამშრომლებთან შრომითი ურთიერთობის გაწყვეტისა თუ შეჩერების შესახებ უარყოფითად აისახება არხზე მომუშავე ჟურნალისტების სარედაქციო დამოუკიდებლობასა და მოტივაციაზე. 

22 მაისი, 2016 კორცხელში საარჩევნო უბანზე ჟურნალისტებს ფიზიკური შეურაცხყოფა მიაყენეს

22 მაისს, საკრებულოს შუალედური არჩევნების მიმდინარეობისას, ზუგდიდის მუნიციპალიტეტის სოფელ კორცხელში “ერთიანი ნაციონალური მოძრაობის” ლიდერებზე თავდასხმის დროს, საარჩევნო უბანზე მომუ...

22 მაისს, საკრებულოს შუალედური არჩევნების მიმდინარეობისას, ზუგდიდის მუნიციპალიტეტის სოფელ კორცხელში “ერთიანი ნაციონალური მოძრაობის” ლიდერებზე თავდასხმის დროს, საარჩევნო უბანზე მომუშავე Livepress-ის, Ipress-ის და ტელერადიოკომპანია “ოდიშის” ჟურნალისტებს პროფესიული საქმიანობის განხორციელებაში ხელი შეეშალათ. 23 მაისის მდგომარეობით, მომხდარ ფაქტთან დაკავშირებით უკვე დაიკითხა Ipress-ის ჟურნალისტი ირმა მესხია, ხოლო Livepress-ის ჟურნალისტი თამარ ზანთარაია დაკითხვაზე იმყოფება. გამოძიება სისხლის სამართლის კოდექსის 125-ე მუხლით (ცემა) მიმდინარეობს. ჟურნალისტისათვის პროფესიულ საქმიანობაში უკანონოდ ხელის შეშლის მუხლით (სსკ მუხლი 154) ამ ეტაპზე გამოძიება არ არის დაწყებული.

Ipress-ის ინციდენტი

ინტერნეტ გამოცემა Ipress-ის ცნობით, 22 მაისს, კორცხელში მომხდარი დაპირისპირების შემდგომ, სოფელ რუხში მდებარე რესტორან “არგოში” Ipress-ის ჟურნალისტს ირმა მესხიას იმ სპორტსმენებმა, რომლებიც კორცხელის საარჩევნო უბანთან მომხდარ დაპირისპირებაში მონაწილეობდნენ, გადაადგილების შესაძლებლობა ნახევარი საათის განმავლობაში შეუზღუდეს და რესტორნის შენობაში გადაღებული ფოტომასალის წაშლას ითხოვდნენ. ირმა მესხიამ MDF-ს განუცხადა, რომ მას წაართვეს კუთვნილი ტელეფონი, საიდანაც ყველა აუდიო ჩანაწერი და ფოტო მასალა წაუშალეს, მიაყენეს სიტყვიერი შეურაცხყოფა და მის მიმართ მუქარა განახორციელეს. აღნიშნულ ფაქტთან დაკავშირებით Ipress-ის რედაქციამ შინაგან საქმეთა სამინისტროს იმ მანქანების ნომრები მიაწოდა, რომლითაც აღნიშნული პირები გადაადგილდებოდნენ.

Livepress-ის ინციდენტი

Livepress-ის მიერ გავრცელებული ვიდეოკადრებიდან ჩანს, რომ ჟურნალისტებს უცნობი პირები გადაღების საშუალებას არ აძლევდნენ და ვიდეო კამერებს ხელით უფარავდნენ. Livepress-ის მთავარი რედაქტორის გერონტი ყალიჩავას ცნობით, ჟურნალისტებს სიტყვიერი შეურაცხყოფა მიაყენეს და ფიზიკური ანგარიშსწორებით დაემუქრნენ. ყალიჩავას თქმით, ჟურნალისტების შეურაცხყოფაზე პოლიციის ოფიცრებს, რომლებიც იქვე იყვნენ, რეაგირება არ მოუხდენიათ.

ტელერადიოკომპანია “ოდიშის”  ინციდენტი

ტელერადიოკომპანია “ოდიშის” საინფორმაციო სამსახურის უფროსმა ნანა ქობალიამ MDF-თან სატელეფონო საუბრისას განაცხადა, რომ კორცხელის საარჩევნო უბანთან დაპირისპირების დროს მოძალადეები ჟურნალისტების მიმართ აგრესიით გამოირჩეოდნენ და მათ პროფესიული საქმიანობის განხორციელების შესაძლებლობას არ აძლევდნენ. ნანა ქობალიასთან ერთად, კორცხელის საარჩევნო უბანზე მუშაობდნენ ჟურნალისტი ლევან კალანდია და ოპერატორი ზვიად აბლოთია. ოპერატორი ინციდენტის შედეგად ფიზიკურად დაშავდა - მას  “ქართული ოცნების” მხარდამჭერებმა თავში ესროლეს წყლით სავსე ბოთლი და ქვა დაუშინეს.

შინაგან საქმეთა სამინისტროს საზოგადოებასთან ურთიერთობის დეპარტამენტის წარმომადგენლის ნატო ბერძენიშვილის განცხადებით, კორცხელში, საარჩევნო უბანთან მომხდარ ფაქტზე გამოძიება სისხლის სამართლის კოდექსის 125-ე მუხლით დაიწყო, რომელიც ცემას ან სხვაგვარ ძალადობას დასჯადად აცხადებს.

მუხლი 125: “1. ცემა ან სხვაგვარი ძალადობა, რამაც დაზარალებულის ფიზიკური ტკივილი გამოიწვია, მაგრამ არ მოჰყოლია ამ კოდექსის 120-მუხლით გათვალისწინებული შედეგი [ჯანმრთელობის განზრახ მსუბუქი დაზიანება], ისჯება ჯარიმით ან საზოგადოებისათვის სასარგებლო შრომით ვადით ას ოციდან ას ოთხმოც საათამდე ანდა გამასწორებელი სამუშაოთი ვადით თხუთმეტ თვემდე.

2. იგივე ქმედება, ჩადენილი წინასწარი შეცნობით არასრულწლოვნის მიმართ, ისჯება ჯარიმით ან გამასწორებელი სამუშაოთი ვადით თხუთმეტიდან ოცდაოთხ თვემდე ანდა თავისუფლების აღკვეთით ვადით ერთ წლამდე.”

MDF-ის შეკითხვაზე, მიმდინარეობს თუ არა გამოძიება სსკ-ს 154-ე მუხლით, რაც ჟურნალისტების პროფესიულ საქმიანობაში უკანონო ჩარევას შეეხება, შინაგან საქმეთა სამინისტროს წარმომადგენელმა ნატო ბერძენიშვილმა განაცხადა, რომ ამ ეტაპზე გამოძიება მხოლოდ ცემის მუხლით (125) მიმდინარეობს, თუმცა ექპერტიზის ჩატარებისა და მოწმეების დაკითხვის შემდეგ, შესაძლოა საქმეში ახალი კვალიფიკაცია გაჩნდეს.

ჟურნალისტისათვის პროფესიულ საქმიანობაში უკანონოდ ხელის შეშლა საქართველოს სისხლის სამართლის კოდექსით დასჯადი ქმედებაა. სსკ-ს 154-ე მუხლის მიხედვით, ისჯება ჟურნალისტისათვის პროფესიულ საქმიანობაში უკანონოდ ხელის შეშლა, ესე იგი მისი იძულება, გაავრცელოს ინფორმაცია ან თავი შეიკავოს მისი გავრცელებისაგან. ამ ქმედების დამამძიმებელი გარემოებაა, ძალადობის მუქარა ან სამსახურებრივი მდგომარეობის გამოყენება, რომელიც ისჯება ჯარიმით ან თავისუფლების აღკვეთით ვადით ორ წლამდე, თანამდებობის დაკავების ან საქმიანობის უფლების ჩამორთმევით ვადით სამ წლამდე ან უამისოდ.

კორცხელის ინციდენტთან დაკავშირებით გამოძიება სისხლის სამართლის კოდექსის 125-ე (ცემა) მუხლით დაიწყო. გამოძიება გრძელდება, თუმცა აღმკვეთის ღონისძიება 6 პირის მიმართ იქნა გამოყენებული და ბრალი 239-ე მუხლით (ხულიგნობა) წაეყენათ. ამ ნორმის მიხედვით, ქმედებას, წინასწარი შეთანხმებით ჯგუფის მიერ ცეცხლსასროლი იარაღის ან იარაღად სხვა საგნის გამოყენებით, რომელიც უხეშად არღვევს საზოგადოებრივ წესრიგს და გამოხატავს საზოგადოებისადმი აშკარა უპატივცემულობას, ჩადენილი ძალადობით ან ძალადობის მუქარით. აღნიშნულ სამართალდარღვევაზე კანონით თავისუფლების აღკვეთაა 4-დან 7 წლამდეა გათვალისწინებული.

 

 

11 მაისი, 2016 ტელეკომპანია “იმედის” ყოფილი წამყვანი არხის მენეჯმენტს ზეწოლაში ადანაშაულებს

 22 აპრილს ტელეკომპანია “იმედის” გადაცემა “პოლიტიკის” ყოფილმა წამყვანმა შალვა რამიშვილმა  პრესკონფერენცია გამართა და განაცხადა, რომ 5 აპრილს მისი სამსახურიდან გათავისუფლება არხის გ...

 

22 აპრილს ტელეკომპანია “იმედის” გადაცემა “პოლიტიკის” ყოფილმა წამყვანმა შალვა რამიშვილმა  პრესკონფერენცია გამართა და განაცხადა, რომ 5 აპრილს მისი სამსახურიდან გათავისუფლება არხის გენერალური დირექტორის გიორგი ბახტაძის მხრიდან მის სარედაქციო დამოუკიდებლობაში ჩარევას და მასზე განხორციელებულ ზეწოლას უკავშირდებოდა. ჟურნალისტის განცხადება შეეხებოდა 2015 წლის დეკემბერში “პოლიტიკაში” მოსამართლე ლევან მურუსიძის მონაწილეობას და  გადაცემისთვის რესპონდენტების შერჩევის საკითხს.

მტკიცებულებად, რომ გენერალური დირექტორი მასზე ახორციელებდა ზეწოლას,  ლევან მურუსიძის სურვილის შესაბამისად გადაცემაში  იუსტიციის საბჭოს ის წევრები მიეწვია, ვინც მის მიმართ კრიტიკულად არ იქნებოდნენ განწყობილი, შალვა რამიშვილმა მასსა და გიორგი ბახტაძეს შორის Viber-ის მიმოწერა წარუდგინა, რომელიც 2015 წლის 17-18 დეკემბრით თარიღდება.

იმავე დღეს ტელეიმედის გენერალურმა დირექტორმა Viber-ის მიმოწერის ავთენტურობა დაადასტურა, თუმცა მისი შინაარსი სტუმრების შერჩევის ჩვეული სარედაქციო სამუშაოთი ახსნა, ხოლო რამიშვილთან საქმიანი ურთიერთობის შეწყვეტის მიზეზად წამყვანის არაეთიკური საქციელის დაასახელა.

აღნიშნულ ფაქტთან დაკავშირებით შალვა რამიშვილმა საქართველოს მთავარ პროკურატურას მიმართა და მასზე, როგორც ჟურნალისტზე განხორციელებული ზეწოლის ფაქტზე გამოძიების დაწყება მოითხოვა.

მთავარმა პროკურორმა ირაკლი შოთაძემ განაცხადა, რომ ჟურნალისტის მიმართვის საფუძველზე,  ფაქტების სიზუსტის დადგენის მიზნით, ყველა იმ პირის დაკითხვა მოხდებოდა, ვინც რამიშვილის განცხადებაში ფიგურირებდა.

ჟურნალისტური საქმიანობისთვის ხელის შეშლა საქართველოს სისხლის სამართლის კოდექსით დასჯადი ქმედებაა. კოდექსის 154-ე მუხლის მიხედვით, ჟურნალისტისათვის პროფესიულ საქმიანობაში უკანონოდ ხელის შეშლა ისჯება ჯარიმით ან საზოგადოებისათვის სასარგებლო შრომით ვადით ან/და გამასწორებელი სამუშაოთი ვადით ორ წლამდე. იგივე ქმედება, ჩადენილი ძალადობის მუქარით ან სამსახურებრივი მდგომარეობის გამოყენებით, ისჯება ჯარიმით ან თავისუფლების აღკვეთით ვადით ორ წლამდე, თანამდებობის დაკავების ან საქმიანობის უფლების ჩამორთმევით ვადით სამ წლამდე ან უამისოდ.

ჟურნალისტის სარედაქციო დამოუკიდებლობას იცავს სიტყვისა და გამოხატვის თავისუფლების შესახებ საქართველოს კანონიც.

ამ საკითხზე საქართველოს ჟურნალისტური ეთიკის ქარტიამ შალვა რამიშვილის მიმართვის საფუძველზე იმსჯელა, რომლის გადაწყვეტილებით, ტელეკომპანია „იმედის“ გენერალურმა დირექტორმა, გიორგი ბახტაძემ დაარღვია ქარტიის მეორე პრინციპი, რომლის მიხედვითაც “დაუშვებელია ჟურნალისტის იძულება, პროფესიული საქმიანობისას მოიქცეს ან აზრი გამოხატოს საკუთარი სინდისის წინააღმდეგ.”  ამავდროულად, საბჭომ მიიჩნია, რომ ჟურნალისტმა შალვა რამიშვილმა განხილულ საქმეში დასახელებულ გადაცემის მომზადებისას დაარღვია ჟურნალისტური ეთიკა და არაკეთილსინდისიერება გამოიჩინა საზოგადოების მიმართ.

შალვა რამიშვილთან ტელეკომპანია იმედმა ხელშეკრულება 2016 წლის 5 აპრილს შეწყვიტა, რის მიზეზადაც  მისი არაეთიკური ქმედება დასახელდა. იმავე დღეებში შალვა რამიშვილი ტელეკომპანიის თანამშრომელმა  თათია სამხარაძემ სექსუალური ხასიათის შევიწროვებაში საჯაროდ დაადანაშაულა, რასაც ის აუდიო ჩანაწერით ადასტიურებდა, რომლის ავთენტურობა ლევან სამხარაულის სახელობის სასამართლო ექსპერტიზის ეროვნულ ბიურომ დაადგინა. ბრალდება რამიშვილმა უარყო და ფაქტზე გამოძიების დაწყების მოთხოვნით პროკურატურას მიმართა.

 

 

 

Pages