"ობიექტივის" 2022 წლის შემოსავალი 830 144,27 ლარს შეადგენს. მედიის განვითრების ფონდის მედიის ფინანსური გამჭვირვალობის 2022 წლის კვლევის მიხედვით, თუ წინა წლებში კრემლისტურ პარტია „პატრიოტთა ალიანსთან“ დაკავშირებული ტვ „ობიექტივი“ მეტწილად დოტაციური იყო, 2022 წელს მისი შემოსავლები უფრო დივერსიფიცირებული გახდა. მაუწყებლის შემოწირულებებმა მთლიანი შემოსავლის 47.2% (391 702 ლარი) შეადგინა, ხოლო რეკლამამ - 438,442.32 ლარი.
2022 წელს არასამეწარმეო მედია-კავშირი "ობიექტივისთვის" მფლობელის ირაკლი ცილიკიშვილის შემოწირულობა 305 742 ლარი იყო. 2022 წელს ირაკლი ცილიკიშვილი მფლობელებს შორის ერთადერთი სტაბილური შემომწირველია, ხოლო 85 960 ლარი – სხვა პირების (დავით ლეკიშვილი და დავით გველუკაშვილის) შემოწირულობები იყო.
დავით გველუკაშვილი, ამასთანავე, პრორუსული პარტიის “საქართველოს პატრიოტთა ალიანსის” შემომწირველიცაა. გველუკაშვილმა 2016 წელს 30 000, ხოლო 2020 წელს 50 000 ლარის ოდენობის ფულადი შემოწირულობა გადარიცხა საქართველოს პატრიოტთა ალიანსისთვის.
კომუნიკაციების მარეგულირებელი კომისიის (ComCom) ინფორმაციულ-ანალიტიკური პორტალის თანახმად, „ობიექტივის“ ერთ-ერთი ყველაზე სტაბილური სარეკლამო შემოსავლის წყარო 2022 წელს სტერეო+ იყო, რომლის 50%-იანი წილის მფლობელი პარლამენტის წევრი დავით ზილფიმიანია.
აღსანიშნავია, რომ თუ წლებია “ობიექტივი” ძირითადად მფლობელის შემოწირულობის ხარჯზე არსებობდა, 2024 წლის მე-2 კვარტალში მის დამფინანსებლებს შორის ჩინეთის სახალხო რესპუბლიკის საელჩო გამოჩნდა, რომელმაც კომუნიკაციების მარეგულირებელი კომისიის მონაცემების თანახმად, არხზე 15 630 ლარის რეკლამა განათავსაა.
