რადიო უცნობი შპს ქართული კულტურის ტალღის სახელით 2004 წლის 17 თებერვალს დარეგისტრირდა.
რადიო უცნობი B70 ლიცენზიას ფლობს, რომლითაც თბილისისში საერთო მაუწყებლობის განხორციელების უფლება აქვს ტალღაზე FM 98,1.
მისი დამფუძნებლები გიორგი ასანიშვილი (33%), ვასილ ჯანიკაშვილი (33%), გიორგი გაჩეჩილაძე (უცნობი) (34%) იყვნენ. 2006 წლის 19 სექტემბერს შპს ქართული კულტურის ტალღა შპს რადიო უცნობად გადაკეთდა. მანამდე კი 2006 წლის 8 თებერვალს ჯანიკაშვილმა და ასანიშვილმა საკუთარი წილებიდან - 8,5-8,5%, გაჩეჩილაძემ კი 34% წილი სააქციო საზოგადოება ლევან გაჩეჩილაძის სასარგებლოდ დათმეს. კომუნიკაციების კომისიაში წარდეგენილი შესაბამისობის დეკლარაციის მიხედვით სს ლევან გაჩეჩილაძის მფლობელები არიან - ძმები ლევან (70%) და გიორგი (უცნობი) (15%) გაჩეჩილაძეები და ბიძინა გეგიძე (15%). გიორგი გაჩეჩილაძე ფლობს ტელეკომპანია მაესტროს (შპს სტუდია მაესტრო) 55% წილსაც, რომელიც მფლობელთა შორის სადავოა.
ლევან გაჩეჩილაძე 2008 წლის საპრეზიდენტო არჩევნებში იყრიდა კენჭს და მოქმედი პრეზიდენტის მიხეილ სააკაშვილის მთავარი კონკურენტი იყო.
2006 წლის 8 თებერვალი - დღემდე - ვასილ ჯანიკაშვილი 24,5%, გიორგი ასანიშვილი 24,5%, საზოგადოება ლევან გაჩეჩილაძე 51% (ლევან გაჩეჩილაძე 70%, გიორგი გაჩეჩილაძე - 15%, ბიძინა გეგიძე -15%)
2004 წლის 17 თებერვალი - 2006 წლის 8 თებერვალი - გიორგი ასანიშვილი 33%, ვასილ ჯანიკაშვილი 33%, გიორგი გაჩეჩილაძე 34%
| წელი | საბიუჯეტო შემოსავლები |
| 2017 | 2 705 ლარი (15 ნოემბრის მდგომარეობით) |
| 2016 | 5 000 ლარი |
| 2015 | 3 075 ლარი |
რადიო “უცნობის” პოპულარულ გადაცემებს შორის არის იუმორისტული გადაცემა “ჭიჭიკო და ბიჭიკო”, რომელსაც ანონიმი წამყვანები უძღვებიან.
