წყარო: ადამიანის უფლებათა ცენტრი (HRC)

“რადიო თავისუფლების” ინფორმაციით, 2022 წლის 18 თებერვალს კასპის მუნიციპალიტეტის საკრებულოში ავტომობილების შეძენის მიზნით ბიუჯეტში ცვლილების შეტანის საკითხს განიხილავდნენ, რაც ოპოზიციის წარმომადგენლებმა და აქტივისტებმა გააპროტესტეს. მედიის ინფორმაციით, შეხლა-შემოხლის დროს ოპოზიციონერებთან და აქტივისტებთან ერთად სხდომათა დარბაზი ძალის გამოყენებით  ჟურნალისტებსაც დაატოვებინეს. ადამიანის უფლებათა ცენტრის (HRC) ცნობით, შინაგან საქმეთა სამინისტროს კრიმინალურმა პოლიციამ და დაცვის პოლიციის თანამშრომლებმა ტელეკომპანია “პირველის” ჟურნალისტს, მალხაზ მიქელაძესა და ტელეკომპანია მთავარი არხის ჟურნალისტს გიორგი ახალკაცს ფიზიკური შეურაცხყოფა მიაყენეს, ზურგში ხელი ჰკრეს და ფეხებში დაარტყეს. HRC-ის ინფორმაციით, ტელეკომპანია “ფორმულას” ჟურნალისტს, ვლადიმერ ბიჭაშვილს, ოპერატორს ვლადიმერ მიხანაშვილს, ასევე, “ტვ მნიტორინგის” ჟურნალისტს, ირაკლი კოშაძესა და ოპერატორს, თორნიკე გელიტაშვილს სიტყვიერი შეურაცხყოფა მიაყენეს.

გაზიარება:

2022 წლის 18 თებერვალს კასპის საკრებულოს შენობაში მომხდარზე გამოძიება სპეციალურმა საგამოძიებო სამსახურმა,  სისხლის სამართლის კოდექსის 333-ე მუხლის მე-3 ნაწილის „ბ“ ქვეპუნქტით დაიწყო, რაც სამსახურებრივი უფლებამოსილების ძალადობით გადამეტებას გულისხმობს.

გაზიარება:

მედიის წარმომადგენლების ინტერესებს ადამიანის უფლებათა ცენტრი (HRC) იცავს. ორგანიზაციის განცხადებით, გენერალური პროკურატურისადმი არაერთხელ მიმართვის მიუხედავად, ჟურნალისტების დაზარალებულად ცნობა არ მომხდარა. საქმეზე გამოძიების სისხლის სამართლის 154-ე მუხლით (პროფესიულ საქმიანობაში ხელისშეშლა) წარმართვის შესახებ მოთხოვნით HRC-მა სპეციალურ საგამოძიებო სამსახურსაც მიმართა, თუმცა შესაბამისი უწყებების მხრიდან მიმართვას სამართლებრივი რეაგირება არ მოჰყოლია . 

საქართველოს ჟურნალისტური ეთიკის ქარტიამ შინაგან საქმეთა სამინისტროს მომხდარი ფაქტის გამოძიებისკენ,  ხოლო ხელისუფლებას ჟურნალისტების უსაფრთხოების დაცვისა და  პროფესიული საქმიანობის შესრულებისთვის სათანადო გარემოს შექმნისკენ მოუწოდა.

HRC-ის განცხადებით, იქიდან გამომდინარე, რომ საქმეზე ეფექტიანი გამოძიება არ ხორციელდება და ჟურნალისტებს დაზარალებულის სტატუსი არ ენიჭებათ, 2024 წლის 24 იანვარს ვლადიმერ ბიჭაშვილის, ვლადიმერ მიხანაშვილის, გიორგი ახალკაცის, მალხაზ მიქელაძის, ირაკლი კოშაძისა და თორნიკე გელიტაშვილის საქმეზე ორგანიზაციამ საჩივარი ადამიანის უფლებათა ევროპულ სასამართლოში წარადგინა, სადაც კონვენციის მე-3, მე-10 და მე-13 მუხლების დარღვევის დადგენას მოითხოვეს (წამების აკრძალვა, გამოხატვის თავისუფლება, სამართლებრივი დაცვის ქმედითი საშუალების უფლება).

გაზიარება:

ადამიანის უფლებათა ცენტრის (HRC)

„მთავარი არხის“ ინფორმაციით, 2023 წლის 26 აგვისტოს ტელევიზიის კორესპონდენტს, ემა გოგოხიას და ოპერატორს, ნიკა გვალიას მესტიის მუნიციპალიტეტში, ხაიშის ტერიტორიაზე ჟურნალისტური საქმიანობის შესრულების  დროს თავს 12-მდე ადამიანი დაესხა. ადამიანის უფლებათა ცენტრის (HRC) ცნობით, მედიის წარმომადგენლებს, როგორც სიტყვიერი, ისე ფიზიკური შეურაცხყოფა მიაყენეს, სიცოცხლის მოსპობით დაემუქრნენ და ჟურნალისტზე ფიზიკურად იძალადეს.

გაზიარება:

ადამიანის უფლებათა ცენტრის ცნობით, საქმეზე გამოძიება  სპეციალურმა საგამოძიებო სამსახურმა  საქართველოს სისხლის სამართლის კოდექსის 154-ე მუხლის მეორე ნაწილითა და 126-ე მუხლის პირველი ნაწილით დაიწყო, ემა გოგოხიას კი ლევან სამხარაულის ექსპერტიზის ბიუროში სამედიცინო ექსპერტიზა ჩაუტარდა. ამასთან, 3 სექტემბერს ტელევიზიის კუთვნილი ვიდეოკამერა დაათვალიერეს.

გამოძების დაწყებიდან ორი თვის შემდეგ, სპეციალურმა საგამოძიებო სამსახურმა “მთავარი არხის” ჟურნალისტისა და ოპერატორისთვის პროფესიულ საქმიანობაში ხელის შეშლის საქმეზე, ორი პირი ამხილა.

გაზიარება:

“მთავარი არხის” ჟურნალისტისა და ოპერატორის უფლებებს ადამიანის უფლებათა ცენტრი (HRC) იცავს.

მედიის წარმომადგენლებზე თავდასხმას “მედიის ადვოკატირების კოალიცია” გამოეხმაურა. განცხადების თანახმად, აღნიშნული ინციდენტი მედიის წარმომადგენლების დაშინებისა და გაჩუმების აშკარა მცდელობაა.

გაზიარება:

წყარო: ადამიანის უფლებათა ცენტრი (HRC)

“ქუთაისი პოსტის” ჟურნალისტებმა, ხვიჩა ვაშაყმაძემ და ანა ჭეიშვილმა დაადასტურეს, რომ მედიით გავრცელებული, სავარაუდოდ, სახელმწიფო უსაფრთხოების სამსახურიდან (სუს) მოპოვებული ოპერატიული კრებსის ის ეპიზოდები, სადაც მათზეა საუბარი, ნამდვილია. ე.წ. სუს-ის კრებსებში ის ეპიზოდი მოხვდა, რომელიც ნამახვანჰესის წინააღმდეგ საპროტესტო აქციებს უკავშირდებოდა, ჭეიშვილის შემთხვევაში დოკუმენტში მოხვდა ეპიზოდი, როდესაც ის კონკრეტული ფაქტის დასაზუსტებლად რესპონდენტს დაუკავშირდა. 

2021 წლის 1 აგვისტოს, ტელეკომპანია „ მთავარი არხის“ დირექტორმა ნიკა გვარამიამ გადაცემაში - „მთავარი აქცენტები“ სავარაუდოდ, სახელმწიფო უსაფრთხოების სამსახურიდან (სუს) მოპოვებული ოპერატიული კრებსი გაასაჯაროვა. გვარამიას განცხადებით, დოკუმენტი ადასტურებდა იმას, რომ სუს უკანონოდ, ფარულად უსმენდა სასულიერი პირებს, ოპოზიციის წარმომადგენლებს, ჟურნალისტებს, მთავრობის ადმინისტრაციის მოქმედ და ყოფილ თანამშრომლებს და მათი პირადი ცხოვრების ხელშეუხებლობას არღვევდა. ყველა ეს ინფორმაცია 2020 წლის წინასაარჩევნო პერიოდსა და 2020 წელს უკავშირდება.  

გაზიარება:

საქართველოს პროკურატურაში მედიასაშუალებების მიერ ფარულ

ჩანაწერებთან დაკავშირებით გავრცელებულ ინფორმაციაზე გამოძიება 2021 წლის 9 მარტს დაიწყო. გამოძიება კერძო კომუნიკაციის საიდუმლოების დარღვევის ფაქტზე, საქართველოს სისხლის სამართლის კოდექსის 158-ე მუხლის 1-ლი და მე-2

ნაწილებით გათვალისწინებული დანაშაულის ნიშნებით. ხვიჩა ვაშაყმაძე დაზარალებულად ცნეს 2022 წლის 3 სექტემბერს, ხოლო ანა ჭეიშვილი 2022 წლის 29 აგვისტოს.

გაზიარება:

ხვიჩა ვაშაყმაძისა და ანა ჭეიშვილის სამართლებრივ ინტერესებს ადამიანის უფლებათა ცენტრი (HRC) იცავს. 2022 წლის 19 აგვისტოს ჟურნალისტები გენერალურ პროკურატურაში ადამიანის უფლებათა ცენტრის იურისტის თანდასწრებით გამოიკითხნენ.

გაზიარება:

წყარო: ადამიანის უფლებათა ცენტრი (HRC)

2023 წლის 20 სექტემბერს ტელეკომპანია „ფორმულამ“ გაავრცელა ინფორმაცია საქართველოს ყოფილი მთავარი პროკურორის, ოთარ ფარცხალაძის დაცვის წევრის მხრიდან გადაცემა „შაბათის ფორმულას“ ჟურნალისტსა და ოპერატორზე თავდასხმის შესახებ.

ტელეკომპანიამ გაავრცელა კადრები, სადაც ჩანს, რომ, ჟურნალისტი მარიამ რიგვავა და ოპერატორი გიორგი სუსუნიაშვილი თბილისში, კაკლების დასახლებაში, აშშ-ის მიერ სანქცირებული საქართველოს ყოფილი მთავარი პროკურორის ოთარ ფარცხალაძის სახლის მიმდებარე ტერიტორიაზე, საჯარო სივრცეში პროფესიულ მოვალეობას ასრულებდნენ, როდესაც ფარცხალაძის დაცვის სამსახურის თანამშრომელმა მათ ძალის გამოყენებით ხელი შეუშალა. დაცვამ ოპერატორს ფიზიკური და სიტყვიერი შეურაცხყოფა მიაყენა. “ფორმულას” ცნობით, სიტყვიერი შეურაცხყოფის პარალელურად მარიამ რიგვავას შუბლის არეში დაზიანებაც მიაყენა.

გაზიარება:

სპეციალურმა საგამოძიებო სამსახურმა, საქმეზე გამოძიება საქართველოს სისხლის სამართლის კოდექსის 154-ე მუხლის მეორე ნაწილით დაიწყო, რაც ჟურნალისტის პროფესიულ საქმიანობაში ძალადობის მუქარით ან სამსახურებრივი მდგომარეობის გამოყენებით უკანონოდ ხელის შეშლას გულისხმობს. 28 სექტემბერს პროკურორმა მარიამ რიგვავა და გიორგი სუსუნიაშვილი დაზარალებულად ცნო. 

გაზიარება:

ჟურნალისტისა და ოპერატორის სამართლებრივ ინტერესებს ადამიანის უფლებათა ცენტრი (HRC) იცავს. გამოძიების ფარგლებში მარიამ რიგვავა და გიორგი სუსუნიაშვილი 21 სექტემბერს ცენტრის ადვოკატის თანდასწრებით გამოიკითხნენ., სხეულზე არსებული დაზიანების გამო კი, მარიამ რიგვავას ექსპერტიზა ჩაუტარდა.

აღნიშნულ ინციდენტს განცხადებით მედიის ადვოკატირების კოალიციაც გამოეხმაურა. განცხადებაში აღნიშნულია, რომ მედიის წარმომადგენლებზე თავდასხმების გახშირებული შემთხვევები ხელისუფლების მხრიდან გამოუძიებელი სხვა ძალადობის, დაშინებისა და უკანონო მოსმენების შემთხვევების შედეგია. 

გაზიარება:

წყარო: ადამიანის უფლებათა ცენტრი (HRC)

2023 წლის 5 მაისს რადიო “თბილისისა” და რადიო “ჰერეთის” ხელმძღვანელმა, რამაზ სამხარაძემ გააკეთა განცხადება, რომ მათი რადიოსადგურების ეთერში რეპერი “მასტერის” მუსიკა აღარ გავიდოდა.  მედია ორგანიზაციის ხელმძღვანელმა ეს გადაწყვეტილება რადიოსადგურის სარედაქიო პოლიტიკით ახსნა. მისი თქმით, რეპერის მიერ შესრულებული სიმღერა პუბლიცისტ ლევან ბერძენიშვილის მიმართ დისკრიმინაციული იყო. ამ სარედაქციო გადაწყვეტილების შემდეგ, რამაზ სამხარაძის განცხადებით, სოციალურ ქსელში ყალბი ანგარიშების და სავარაუდოდ სახელისუფლებო პარტიის მხარდამჭერების მხრიდან მის წინააღმდეგ შეურაცხმყოფელი გზავნილები და კომენტარები გავრცელდა, ასევე, მან სიცოცხლის მოსპობის  მუქარის შემცველი შეტყობინებებიც მიიღო.

გაზიარება:

საქმესთან დაკავშირებით, რადიო „თბილისის“ და “ჰერეთის” ხელმძღვანელი სპეციალურ საგამოძიებო სამსახურში გამოიკითხა. ადამიანის უფლებათა ცენტრის (HRC) ინფორმაციით, გამოძიება მომხდარიდან 4 თვის შემდეგ, საქართველოს სისხლის სამართლის კოდექსის  151-ე მუხლის 1-ლი ნაწილით დაიწყო. სპეციალურმა საგამოძიებო სამსახურმა საქმის მასალები პროკურატურას გადასცა.

გაზიარება:

რამაზ სამხარაძის ინტერესებს ადამიანის უფლებათა ცენტრი იცავს.

გაზიარება:

9 ოქტომბერს, დაახლოებით 01:30 საათზე, პასტერის ქუჩაზე ინტერნეტგამოცემა "ნეტგაზეთის” ოფისთან,  რედაქციის ცნობით,  20-მდე ახალგაზრდა იყო შეკრებილი, რომლებიც ერთმანეთში პოლიტიკურ ნიადაგზე ჩხუბობდნენ. "ნეტგაზეთის” რეპორტიორი აღნიშნულ დაპირისპირებას ტელეფონით იღებდა, რა დროსაც ახალგაზრდებმა მას გადაღების შეწყვეტა მოთხოვეს. მას შემდეგ, რაც რეპორტიორს ტელეფონის კვების ბლოკი დაუჯდა, ახალგაზრდებმა ჟურნალისტს სიტყვიერი შეურაცხყოფა მიაყენეს და "ნეტგაზეთის” ოფისამდე სიტყვიერი შეურაცხყოფის თანხლებით გაჰყვნენ. რეპორტიორმა რედაქციაში შესვლა მოასწრო.  

გაზიარება:

"ნეტგაზეთის” ინფორმაციით, ადგილზე გამოცხადებულმა პოლიციამ მოკვლევა  სიტყვიერ შეურაცხყოფაზე რეაგირების მიზნით დაიწყო.

გაზიარება:

9 ოქტომბერს, MDF-მა  ,,ნეტგაზეთის" ჟურნალისტისთვის პროფესიული საქმიანობის ხელისშეშლის ფაქტებზე განცხადება გაავრცელა და  სამართალდამცავ ორგანოებს მოუწოდა სათანადო კვალიფიკაცია მისცენ მომხდარ ინციდენტს;  

გაზიარება: