4 სექტემბერს საზოგადოებრივი მაუწყებლის გენერალური დირექტორის მრჩეველმა ბასა ჯანიკაშვილმა მედიის ადვოკატირების კოალიციის მიერ ორგანიზებულ დისკუსიაზე, სადაც ტელემედიების წინაშე მდგარ გამოწვევებზე იყო საუბარი, განაცხადა, რომ გადაცემა “პირველი სტუდიის” წამყვანს, ეკა მიშველაძეს პოლიტიკოს ალექსი პეტრიაშვილზე დაქორწინების გამო ინტერესთა კონფლიქტი აქვს. თავად ჟურნალისტის განცხადებით, მისთვის გადაცემის დახურვის შესახებ ოფიციალურად არავის უცნობებია.

ეკა მიშველაძის სამუშაო კონტრაქტით ინტერესთა კონფლიქტის შესახებ აკრძალვა გათვალისწინებული არ ყოფილა. საზოგადოებრივი მაუწყებლის ქცევის კოდექსის 22.2 მუხლის თანახმად, მაუწყებლის თანამშრომელი ვალდებულია განაცხადოს ინტერესთა კონფლიქტის შესახებ. კერძოდ, "თუ თანამშრომელს საკმარისი საფუძველი აქვს ივარაუდოს, რომ არსებობს ინტერესთა კონფლიქტი ან შეიძლება წარმოიშვას ასეთი კონფლიქტი, იგი ვალდებულია ამის შესახებ მაუწყებლის ხელმძღვანელობას აცნობოს. ინტერესთა კონფლიქტის თავიდან ასაცილებლად მაუწყებელმა და თანამშრომელმა ყველა სათანადო ზომა უნდა მიიღონ. ვითარებიდან გამომდინარე, თანამშრომელს შესაძლოა გარკვეული საკითხების გაშუქებაზე უარის თქმა ან სხვა სამსახურის შესრულება მოუწიოს."  აღნიშნული მუხლი არ ითვალისწინებს შესაძლო ინტერესთა კონფლიქტის შემთხვევაში გადაცემის დახურვას, არამედ მენეჯმენტთან შეთანხმებით ინტერესთა კონგლიქტის დაძლევას გარკვეული საკითხების გაშუქებაზე უარის თქმის ან სხვა სამუშაოს შესრულების გზით.

მოგვიანებით სამოქალაქო სექტორის მხრიდან მძაფრი კრიტიკის შემდეგ,  ჟურნალისტმა არხის მენეჯმენტისგან ახალი გადაცემის წავყვანი შეთავაზება  მიიღო, რომელიც 2016 წლის იანვრიდან უნდა გასულიყო ეთერში. თუმცა, გადაცემა არც თებერვლის დასაწყისში გასულა ეთერში.  ეკა მიშველაძემ არხის მენეჯმენტს წერილობით მიმართა და მოითხოვა განმარტება, როგორც გადაცემის პერსპექტივასთან, ასევე მის ანაზღაურებასთან დაკავშირებით, რომელსაც წამყვანი ამჟამადაც იღებს.

2016 წლის 10 თებერვალს ეკა მიშველაძემ საზოგადოებრივი მაუწყებლის გენერალური დირექტორისგან წერილი მიიღო, სადაც აღნიშნულია,  რომ  გადაცემა „პირველი სტუდია“ დაიხურა და მის მიერ წარდგენილი ახალი გადაცემის პროექტმა არ დაიმსახურა მოწონება მაუწყებელში. წერილის საშუალებით არხის ხელმძღვანელობამ ეკა მიშველაძეს ასევე შეატყობინა მისი შრომითი ხელშეკრულების შეწყეტის შესახებ. მიშველაძის შეფასებით, საზოგადოებრივი მაუწყებლიდან უკანონოდ დაითხოვეს და დაუხურეს გადაცემა.

2016 წლის 7 მარტს ეკა მიშველაძემ საზოგადოებრივი მაუწყებლის წინააღმდეგ თბილისის საქალაქო სასამართლოს სარჩელით მიმართა. ის სამსახურიდან გათავისუფლებას ასაჩივრებს. ჟურნალისტის ინტერესებს სასამართლოში ახალგაზრდა იურისტთა ასოციაცია დაიცავს.

გაზიარება:

აჭარის საზოგადოებრივი მაუწყებლის ინფორმაციით, 2015 წლის 1 სექტემბერს “ახალი ამბების” ჯგუფსა და აჭარის სოფლის მეურნეობის სამინისტროს თანამშრომლებს შორის ინციდენტი მოხდა.

რედაქციის ცნობით, ქედის მუნიციპალიტეტში ღვინის ქარხნის ეზოში კორესპონდენტს ლაშა ველიაძეს სიტყვიერი შეურაცხყოფა მას შემდეგ მიაყენეს, რაც ის აჭარის სოფლის მეურნეობის სამინისტროს საინფორმაციო-საკონსულტაციო დეპარტამენტის მთავარ სპეციალისტ კარლო კეკელიძეს ინტერვიუს უთანხმებდა. ამ დროს მათთან მივიდა აჭარის სოფლის მეურნეობის სამინისტროს თანამშრომელი მირზა სუქნიშვილი, რომელმაც რეპორტიორს მიაყენა სიტყვიერი შეურაცხყოფა, ინციდენტის დროს ჟურნალისტს ასევე შეეხნენ ფიზიკურად. ამ დროს შემთხვევის ადგილზე იმყოფებოდნენ აჭარის სოფლის მეურნეობის მინისტრის მოადგილეები როსტომ შერვაშიძე და ავთანდილ მესხიძე.

მირზა სუქნიშვილის თქმით, ამ დროს ჟურნალისტი იმყოფებოდა ნასვამ მდგომარეობაში, რაც უარყო მაუწყებლის საინფორმაციო სამსახურის უფროსმა შორენა ღლონტმა და აღნიშნა, რომ შემთხვევის დღესვე რეპორტიორსა და ოპერატორს სამხარაულის ექსპერტიზის ბიუროში ექსპერტიზა ჩაუტარეს და არც ერთ მათგანს ალკოჰოლური ნივთირების ზემოქმედების ქვეშ ყოფნა არ დაუდგინდა. ტელევიზიამ პროკურატურას მომხდარის  გამოძიების თხოვნით მიმართა. აჭარის მთავრობის თავჯდომარის ბრძანებით, დისციპლინური კომისიის მოკვლევის დასრულებამდე სოფლის მეურნეობის მინისტრის მოადგილეს ავთანდილ მესხიძეს უფლებამოსილება შეუჩერდა.

შსს-ს ცნობით, ვინაიდან დანაშაულის ნიშნები არ იკვეთებოდა, ლაშა ველიაძის საქმეზე ძიება შეწყდა.

გაზიარება:

შსს-ს ცნობით, ვინაიდან დანაშაულის ნიშნები არ იკვეთებოდა, ლაშა ველიაძის საქმეზე ძიება შეწყდა, მინისტრის მოადგილეს კი უფლებამოსილება აღუდგა.

გაზიარება:

საერთაშორისო გამჭვირვალობა საქართველოს შეფასებით, „ეს არ არის პირველი შემთხვევა, როდესაც აჭარის სოფლის მეურნეობის სამინისტროს წარმომადგენლები ჟურნალისტებთან არასათანადოდ და კანონის მოთხოვნებთან შეუსაბამოდ იქცევიან. 2013 წლის დეკემბერში 25-ე არხის („ტელეარხი 25“) მაშინდელმა რეპორტიორმა სულხან მესხიძემ მინისტრის მოადგილე ავთანდილ მესხიძე მის მიმართ განხორციელებულ მუქარაში დაადანაშაულა. ტელევიზიის მიერ ამ ფაქტის გაშუქებას არავითარი რეაგირება არ მოჰყოლია არც თავად მესხიძის უწყების და არც საგამოძიებო სტრუქტურების მხრიდან.”

საერთაშორისო გამჭვირვალობა საქართველო​ - http://bit.ly/1UJ5Pg2

გაზიარება:

2015 წლის 29 აგვისტოს, ტელეკომპანია „იმედმა“ გაავრცელა განცხადება საზოგადოებრივ-პოლიტიკური თოქ-შოუების დროებით შეჩერებისა და განახლებული ფორმატის მაყურებლისთვის 2016 წელს შეთავაზების შესახებ.

სოციალურ ქსელში გავრცელდა გადაცემების „რეაქციისა“ და „იმედის კვირის“ პროდიუსერებისა და ჟურნალისტების ერთობლივი განცხადება, რომელშიც აღნიშნული იყო, რომ კომერციულად მომგებიანი გადაცემების სატელევიზიო სეზონის დასაწყისში შეჩერება არჩევნებამდე 1 წლით ადრე ეჭვს ბადებდა. სარედაქციო ჯგუფი და გადაცემის წამყვანი ინგა გრიგოლია ტელეკომპანიის გადაწყვეტილებას პოლიტიკური გავლენის შედეგად აფასებდნენ. გადაცემის დახურვის შესახებ გადაწყვეტილება ჟურნალისტებმა ტელევიზიით შეიტყვეს, ხოლო ახალი საშემოდგომო სეზონისთვის გადაცემის განახლებული ანონსი ტელეკომპანიას ჩაწერილი ჰქონდა.

აღსანიშნავია, რომ 2015 წლის მარტის თვეში, ჟურნალისტმა ინგა გრიგოლიამ განაცხადა, რომ კოალიცია „ქართული ოცნების“ საპარლამენტო უმრავლესობამ გადაცემის ავტორებს მოსთხოვა არ გაეშუქებინათ გადაცემა „რეაქციაში“ 21 მარტის აქციის თემა.  ასევე, გადაცემა „იმედის კვირის“ წამყვანმა ეკა ხოფერიამ თქვა, რომ „ხელისუფლებისთვის მიუღებელია ობიექტური იმედი“. ტელეკომპანია „იმედია“ გამოეხმაურა ჟურნალისტების განცხადებებს და გაემიჯნა მათ. ტელეკომპანიის პოზიციით, ჟურნალისტების გამონათქვამები მოკლებული იყო საფუძველს და„ქართული ოცნებისგან“ და რომელიმე პოლიტიკური ძალისგან არხის სარედაქციო პოლიტიკაში ჩარევას ადგილი არ ჰქონია.

რუსთავი 2-თან “იმედის” თოქ-შოურების დახურვის კომენტირებისას, საპარლამენტო უმრავლესობის წარმომადგენელმა გოგი თოფაძემ აღნიშნა, რომ გადაცემის წამყვანები არაერთხელ გააფრთხილეს და რომ არაობიექტურობა არავის ეპატიებოდა. “არხი გადავიდა ამ ხელისუფლების  მარტო კრიტიკაზე, ლანძღვაზე, მე ვიტყოდი და რა თქმა უნდა, ბუნებრივია, რაღაც ზომები უნდა მიეღოთ. არაერთხელ იყო გაფრთხილება მაგათი, იყოთ ობიექტურები, მეც არაერთხელ მითქვამს. ასეთი არაობიექტურობა არავის ეპატიება”, განაცხადა თოფაძემ.

ტელეიმედის დახურვას განცხადებით გამოეხმაურა არასაპარლამენტო ოპოზიციური 10 პარტია. ოპოზიციური პარტიების განცხადებაში ნათქვამია, რომ შეუძლებელია ლოგიკურად აიხსნას მაღალრეიტინგული და კომერციულად მომგებიანი გადაცემების დახურვა. ისინი მიმართავენ საერთაშორისო თანამეგობრობას „ყურადღება მიექცეს საქართველოში ავტორიტარიზმის მზარდ გამოვლინებებს“.

გაზიარება:

„მედიის განვითარების ფონდმა“ ტელეკომპანია „იმედზე“ გადაცემების დახურვასთან დაკავშირებით განცხადება გაავრცელა, სადაც ნათქვამია, რომ „ტელეკომპანია „რუსთავი 2:-ის საკუთრებასთან დაკავშირებული საკითხების აქტუალიზაციის შემდეგ, რაც თავად ტელეკომპანიის მენეჯმენტის მხრიდან ხელისუფლების ზეწოლად ფასდება, მეორე დიდ ნაციონალურ არხზე - „იმედზე“ პოლიტიკური თოქ-შოუების შეჩერების გადაწყვეტილება, ბადებს საფუძვლიან ეჭვებს, რამდენად არის თავისუფალი ეს პროცესი პოლიტიკური გავლენებისგან“. ამასთან, განცხადებაში ნათქვამია, რომ გადაცემების დახურვის გადაწყვეტილება უფრო მეტ დასაბუთებას საჭიროებს, ვიდრე ეს იყო გაკეთებული არხის მენეჯმენტის მხრიდან. 

განცხადება გაავრცელეს არასამთავრობო ორგანიზაციებმა, „საერთაშორისო გამჭვირვალობა საქართველომ“ და „სამართლიანი არჩევნებისა და დემოკრატიის საერთაშორისო საზოგადოებამ“.გაკეთებულ განცხადებებში უარყოფითად არის შეფასებული წინასაარჩევნოდ გადაცემების დახურვა და მითითებულია არხის მენეჯმენტის მხრიდან გადაცემების დახურვის შესახებ არასაკმარის განმარტებების გაკეთების შესახებ. 

მედიის განვითარების ფონდის განცხადება - http://bit.ly/1KpnPvA

საერთაშორისო გამჭვირვალობა საქართველოს განცახდება - http://bit.ly/1X2vula

სამართლიანი არჩევნებისა და დემოკრატიის საერთაშორისო საზოგადოების განცხადება - http://bit.ly/1KnHgEw

გაზიარება:

19 ივლისს ვებ-პორტალ “ტაბულას” ფოტოგრაფი ალექსანდრე გიორგაძე პანორამა თბილისის საწინააღმდეგო აქციაზე წვრილმანი ხულიგნობისა და პოლიციისთვის წინააღმდეგობის გაწევის საფუძვლით დააკავეს.

შინაგან საქმეთა სამინისტროს ინფორმაციით, კანცელარიის წინ მიმდინარე აქციაზე „არა პანორამა თბილისს" სულ ათი მოქალაქე დააკავეს. უწყების ცნობით, აქციის დანარჩენი 9 მონაწილე, წვრილმანი ხულიგნობისთვის არის დაკავებული, მათ შორის ერთი კი - დამატებით, 45-ე მუხლით, რაც მცირე ოდენობით ნარკოტიკული საშუალებების უკანონო მოხმარებას გულისხმობს ექიმის დანიშნულების გარეშე.

ალექსანდრე გიორგაძე ერთი წლის წინ, 2014 წელს 19 ოქტომბერს საქართველოს პრემიერ-მინისტრის სახლთან გამართული საპროტესტო აქციის დროსაც დააკავეს.

გაზიარება:

შინაგან საქმეთა სამინისტროს ინფორმაციით, კანცელარიის წინ მიმდინარე აქციაზე „არა პანორამა თბილისს" სულ ათი მოქალაქე დააკავეს. უწყების ცნობით, აქციის დანარჩენი 9 მონაწილე, წვრილმანი ხულიგნობისთვის არის დაკავებული, მათ შორის ერთი კი - დამატებით, 45-ე მუხლით, რაც მცირე ოდენობით ნარკოტიკული საშუალებების უკანონო მოხმარებას გულისხმობს ექიმის დანიშნულების გარეშე.

გაზიარება:

2015 წლის 18 ივლისს, მთავრობის კანცელარიასთან დაგეგმილ აქციაზე “Stop Russia” ტელეკომპანია „ტაბულას“  პროდიუსერი ლექსო მაჭავარიანი დააკავეს. „დაკავების საფუძველი ადმინისტრაციულ სამართალდარღვევათა კოდექსის 166-ე და 173-ე მუხლები გახდა, რაც წვრილმან ხულიგნობასა და სამართალდამცავი ორგანოს თანამშრომლის წინააღმდეგობის გაწევას გულისხმობს.

„ტაბულას“ მიერ გავრცელებული ინფორმაციით, ლექსო მაჭავარიანსა და აქციის სხვა ორგანიზატორებს აქციის ჩატარების ადგილიდან მანქანის გაყვანას თხოვდნენ, რომელიც აქციისთვის საჭირო აპარატურით იყო დატვირთული. გავრცელებული კადრებიდან ირკვევა, რომ ლექსო მაჭავარიანისთვის დაკავების დროს არ განუმარტავთ მისი დაკავების სამართლებრივი საფუძველი.  სასამართლოს გადაწყვეტილებით, ლექსო მაჭავარიანის მიმართ ადმინისტრაციული სამართალდარღვევის საქმის წარმოება შეწყდა. 

სახალხო დამცველმა, 2015 წლის 22 ივლისს გაავრცელა განცხადება, რომელშიც ნათქვამი იყო, რომ სამართალდამცავი ორგანოს წარმომადგენლები სხდომაზე წვრილმანი ხულიგნობის დასასაბუთებლად მიუთითებდნენ ლექსო მაჭავარიანის სიტყვებს „სამარცხვინო პოლიცია“.  სახალხო დამცველის შეფასებით, პოლიციამ განხორციელებული ქმედებით უკიდურესად დაავიწროვა სიტყვის თავისუფლების ფარგლები. 

გაზიარება:

ქვემო ქართლის საინფორმაციო ცენტრმა 23 ივნისს გაავრცელა ინფორმაცია იმის შესახებ, რომ აზერბაიჯანულენოვან გამოცემა renessans.ge-ს კარიკატურის გამოქვეყნების გამო სიკვდილით ემუქრებოდნენ.

აღნინშნული ინფორმაციის თანახმად, მუქარას მარნეულის იმამ ალის სახელობის საქველმოქმედო ფონდის თავჯდომარე ჯავიდ გურბანოვი ახორციელებდა, რომელმაც ჟურნალისტებს აიდა ტაგიევას, აიდან იუსიბოვას და რედაქტორს ნუგზარ ჯაფაროვს შემდეგი შინაარსის მუქარის შეტყობინებები გაუგზავნა:  „თუ ამ კარიკატურას არ წაშლით, თუ ამ შეურაცხყოფას გააგრძელებთ, ალაჰს ვფიცავ, რომ თქვენი სისხლი დაიღვრება. ვფიცავ იმ ღმერთს, რომლისაც არ გწამს, ჩემი ხელებით წაგაცლი თავს. დარწმუნებული ვარ, რომ თქვენი სისხლი უფრო ძვირფასია, ვიდრე თქვენი კალმის მელანი“. 

renessans.ge-ს ჟურნალისტის, აიდა ტაგიევას განმარტებით, მათ გამოაქვეყნეს კარიკატურა, რომელზეც ასახულია გალია, რომელიც გაარღვიეს ჟურნალისტებმა და წიგნებით ხელში გარეთ გამოვიდნენ. ჟურნალისტის ინფორმაციით, აღნიშნულ კარიკატურა გარკვეულმა პირებმა მეჩეთად აღიქვეს, რაც მუქარის საფუძველი გახდა.

renessans.ge-ს ჟურნალისტებმა მათ მიმართ განხორციელებული მუქარის დამადასტურებელი წერილები მიაწოდეს როგორც მედია საშუალებებს, ასევე შესაბამის საგამოძიებო ორგანოს. „რენესანსის” ჟურნალისტებმა პოლიციას დახმარებისთვის 2015 წლის ივნისის თვეში მიმართეს, რაზეც მოკვლევა ისანი-სამგორის განყოფილებაში მიმდინარეობდა. თუმცა, როგორც აიდა ტაგიევამ ჩვენთან განაცხადა, მოკვლევას რაიმე შედეგი არ მოჰყოლია.

გაზიარება:

"რენესანსის” ჟურნალისტებმა პოლიციას დახმარებისთვის 2015 წლის ივნისის თვეში მიმართეს, რაზეც მოკვლევა ისანი-სამგორის განყოფილებაში მიმდინარეობდა. თუმცა, როგორც აიდა ტაგიევამ ჩვენთან განაცხადა, მოკვლევას რაიმე შედეგი არ მოჰყოლია.

გაზიარება:

მომხდართან დაკავშირებით განცხადებები ჟურნალისტური ეთიკის ქარტიის საბჭომ და საქართველოს ახალგაზრდა იურისტთა ასოციაციამ გააკეთეს და შესაბამის საგამოძიებო ორგანოებს მომხდარის დროულად და ეფექტიანად გამოძიებისაკენ, ასევე ჟურნალისტების უსაფრთხოების უზრუნველყოფისაკენ მოუწოდეს. 

ჟურნალისტური ეთიკის ქარტიის საბჭოს განცხადება - http://bit.ly/1VL7fHa

საქართველოს ახალგაზრდა იურისტთა ასოციაციის განცხადება - http://bit.ly/1KpEZsY

გაზიარება: