http://www.trialeti.ge

trialeti@trialeti.ge

მისამართი:

ჭავჭავაძის ქ. 45, გორი 1400

ტელეფონი:

0 (370) 27 13 31

ტელევიზია ტელე-რადიო კომპანია "თრიალეთი"

ტელერადიო კომპანია ”თრიალეთი” 1990 წელს გორში დაფუძნდა. არხი კერძო/საერთო ტელემაუწყებლობის ლიცენზიის (B56) ფლობს და შიდა ქართლის აუდიტორიაზეა გათვლილი. არხი კონფლიქტის ზონის ტერიტორიაზე - ახალგორში, ცხინვალსა და მის მიმდებარე რეგიონშიც ვრცელდება. 2013 წლიდან “თრიალეთმა” თბილისში სტუდია გახსნა. ამჟამად ტელეკომპანია HD ხარისხის მაუწყებლობს.

ამჟამად შპს ტელე-რადიო კომპანია ”თრიალეთის” 50%-იან წილს  ჯონი ნანეტაშვილი, 20 %-ს - ბადრი ნანეტაშვილი,  20 %-ს - ნინო გაგნიძე და ხოლო 10%-ს შპს ”აქცეპტი” ფლობენ.

2012 წლის საპარლამენტო არჩევნების წინ, 18 მაისს არხის 10%-იანი წილი  იმ ხანად ქართული ოცნების ლიდერის ბიძინა ივანიშვილის ოჯახის წევრის (მეუღლე ეკატრინე ხვედელიძე) საკუთრებაში არსებულმა შპს „მეცხრე არხმა“ შეიძინა. 2015 წლის 9 ივლისიდან კი შპს “მეცხრე არხს” შპს “აქცეპტი” ჩაენაცვლა. საერთაშორისო გამჭვირვალობა საქართველოს ანგარიშის თანახმად, “შპს „მეცხრე არხის“ 20%-ის მფლობელია ყოფილი პრემიერ მინისტრის ბიძინა ივანიშვილის ნათესავი კახა კობიაშვილი (შპს „აქცეპტის“ მეშვეობით). კობიაშვილი საქართველოში აქტივების მფლობელი ცხრა სხვადასხვა ოფშორული კომპანიის იურიდიული წარმომადგენელია”.

2015 წლის 10 ოქტომბერს “თრიალეთის” 90%-იანი წილის მფლობელებმა გაავრცელეს განცხადება ტელეკომპანიის გაყიდვის შესახებ, თუმცა მიზეზები არ განმარტეს.

ბადრი ნანეტაშვილი საქართველოს მე-6 მოწვევის (2004-2008) პარლამენტარი და ფრაქცია “ნაციონალური მოძრაობა-დემოკრატების” წევრი იყო. 2003-2004 წლებში ის შიდა ქართლში პრეზიდენტის სახელმწიფო რწმუნებულის მოადგილედ მუშაობდა.

ბადრი ნანეტაშვილი წილებს აუდიტორულ ფირმა შპს „აუდიტ მრჩეველსა“ (50%) და შპს „ინვესტმედიაში“ (100%) ფლობს.