საქართველო, თბილისი, მთაწმინდის რაიონი, ძმ. კაკაბაძეების ქ.№2, მე-3 სართული (იურიდიული მისამართი)
საქართველო, თბილისი, სობჩაკის N3
+995 32 2 388 105
ობიექტივი
მედია-კავშირი “ობიექტივი” 2010 წლის აგვისტოს დაფუძნდა. დამფუძნებლებს შორის კრემლისტური პოლიტიკური გაერთიანება “პატრიოტთა ალიანსის” ამჟამინდელი გენერალური მდივანი ირმა ინაშვილი იყო, რომელიც ტელეკომპანიის მმართველობაში 2014 წლიდან აღარ ფიგურირებს.
2016 წლიდან მედია-კავშირი “ობიექტივის” მმართველობით ორგანოს ახალი წევრი, მამუკა გობეჩია დაემატა, ხოლო გამგეობა თეა ნადირაძემ დატოვა.
არასამეწარმეო მედია-კავშირ "ობიექტივს" 2015 წელს (საერთო) ტელემაუწყებლობა გაუუქმდა, ხოლო 2021 წელს მისი ლიცენზიის ვადა გავიდა. 2022 წლიდან ობიექტივი მხოლოდ რადიომაუწყებლობის ლიცენზიით სარგებლობს.
აღსანიშნავია, რომ მას შემდეგ, რაც ტელეკომპანიის ერთ-ერთი თანამფლობელი და სიძულვილის ენით გამორჩეული გადაცემის წამყვანი, ბონდო მძინარიშვილი საზოგადოებრივი მაუწყებლის სამეურვეო საბჭოს წევრად აირჩიეს, 2020 წელს თავისი 14,25%-იანი წილი ერთ-ერთ თანამფლობელს, ირაკლი ცილიკიშვილს გადაუფორმა. აღნიშნული ცვლილებების მიზეზი “მაუწყებლობის შესახებ” საქართველოს კანონმდებლობის მოთხოვნებია, რომელიც მეურვის ინტერესთა კონფლიქტის საკითხებს არეგულირებს. ამ ცვლილების შემდეგ ტელეკომპანიის ყველაზე დიდ წილს - 28,75%-ს ირაკლი ცილიკიშვილი ფლობს, რომელიც არხის ერთადერთი სტაბილური შემომწირველია.
ირაკლი ცილიკიშვილი 2010 წლიდან 2022 წლამდე (ა)იპ არასამეწარმეო მედია-კავშირი “ობიექტივის” გამგეობის წევრი და თავმჯდომარეცაა. გარდა “ობიექტივისა,” ის სააქციო საზოგადოება “ამალთეას” დირექტორია. “ამალთეას” ძირითადი საქმიანობა რძის პროდუქტების წარმოება და რეალიზაციაა.
მედია-კავშირი "ობიექტივი” კრემლისტური, ქსენოფობიური, ჰომოფობიური და ანტიდასვლური სარედაქციო პოლიტიკით გამოირჩევა. გარდა რიტორიკისა, “ობიექტივის” და პატრიოტთა ალიანსის რუსული კავშირები ჟურნალისტური გამოძიებითაც დასტურდება, რომლის მიხედვითაც, რუსეთი 2020 წლის წინასაარჩევნო კამპანიაში სწორედ “პატრიოტთა ალიანსს” უჭერდა მხარს.
2016 წლის 30 აგვისტო - გამგეობის თავმჯდომარე: ირაკლი ცილიკიშვილი გამგეობის წევრები: სოსო ზაალიშვილი, მამუკა გობეჩია, ზურაბ გოგიშვილი
2014 წლის 9 ოქტომბერი - გამგეობის თავმჯდომარე: ირაკლი ცილიკიშვილი გამგეობის წევრები: სოსო ზაალიშვილი, თეა ნადირაძე, ზურაბ გოგიშვილი
2014 წლის 18 ივნისი - გამგეობის თავმჯდომარე: ირაკლი ცილიკიშვილი გამგეობის წევრები: თეა ნადირაძე, რეგან თელოიანი, ზურაბ გოგიშვილი
2010 წლის 2 აგვისტო - გამგეობის თავმჯდომარე: ირაკლი ცილიკიშვილი გამგეობის წევრები: მამუკა გობეჩია, ირმა ინაშვილი, რეგან თელოიანი
"ობიექტივის" 2022 წლის შემოსავალი 830 144,27 ლარს შეადგენს. მაუწყებლის შემოსავალი მფლობელის შემოწირულობის ნაწილში 305,742.00 ლარს, რეკლამის - 438,442.32 ლარს, ხოლო სხვა პირების შემოწირულობის ნაწილში 85,960 ლარს შეადგენს.
2022 წელს არასამეწარმეო მედია-კავშირი "ობიექტივისთვის" მფლობელის ირაკლი ცილიკიშვილის შემოწირულობა 305 742 ლარი იყო. 2022 წელს ირაკლი ცილიკაშვილი მფლობელებს შორის ერთადერთი სტაბილური შემომწირველია.
“ობიექტივის” ერთ-ერთ შემომწირველი დავით გველუკაშვილი, ამასთანავე, პრორუსული პარტიის “საქართველოს პატრიოტთა ალიანსის” შემომწირველიცაა. გველუკაშვილმა 2016 წელს 30 000, ხოლო 2020 წელს 50 000 ლარის ოდენობის ფულადი შემოწირულობა გადარიცხა საქართველოს პატრიოტთა ალიანსისთვის.
მედია-კავშირი "ობიექტივი” თურქოფობიურ, ქსენოფობიურ, ჰომოფობიურ და ანტიდასვლურ სარედაქციო პოლიტიკას ატარებს. “ობიექტივი” საქართველოს ევროატლანტიკური მცდელობის უარყოფით მხარეებს უსვამს ხაზს მის ალტერნატივად სამხედრო ნეიტრალიტეტს განიხილავს. "ობიექტივზე" გაჟღერებული დეზინფორმაცია ფაქტების გადამოწმების პლატფორმა "მითების დეტექტორს" არაერთხელ გამოუვლენია.
პატრიოტთა ალიანსის რუსეთთან კავშირი კრემლის კრიტიკოსის, მიხაილ ხოდორკოვსკის მიერ დაფუძნებულმა რუსულმა საგამოძიებო პროექტმა – ცენტრმა „დოსიემაც“ დაადასტურა, რომლის მიხედვითაც, რუსეთი 2020 წლის წინასაარჩევნო კამპანიაში სწორედ “პატრიოტთა ალიანსს” უჭერდა მხარს.
2020 წელს საქართველოს კომუნიკაციების ეროვნულმა კომისიამ “ობიექტივი” რუსულენოვანი გადაცემების დასაშვები ხანგრძლივობის გადაჭარბებისა და სახელმწიფო ენაზე სუბტიტრების გარეშე განთავსების გამო გააფრთხილა და მსგავსი პროგრამების სამაუწყებლო ბადიდან ამოღება დაავალდებულა.
პროფილების სექციაში განთავსებული მონაცემები, რომლებიც ოფიციალურ ინფორმაციას ეყრდნობა, განახლებადია. პირველწყაროში
ხარვეზის ან უზუსტობის აღმოჩენის შემთხვევაში, დაგვიკავშირდით
(info@mdfgeorgia.ge) და ჩვენ მონაცემებს შესაბამისი
მტკიცებულებების საფუძველზე განვაახლებთ. დეტალური ინფორმაცია შესწორების პოლიტიკის შესახებ იხილეთ
აქ.
